అంటార్కిటికా మంచులో సూపర్నోవా నక్షత్ర బూడిద గుర్తింపు

అంటార్కిటికా పురాతన మంచు పొరల్లో సూపర్నోవా నక్షత్రాల నుంచి వెలువడిన అరుదైన కాస్మిక్ డస్ట్ ను శాస్త్రవేత్తలు గుర్తించారు. జర్మనీలోని హెల్మ్‌హోల్ట్జ్ జెంట్రం సంస్థకు చెందిన nuclear astrophysicist డాక్టర్ గుండో కోల్ బృందం ఈ పరిశోధన నిర్వహించింది.

అంటార్కిటికా నుంచి 295 కిలోల పురాతన మంచును సేకరించారు. దాన్ని lab లో కరిగించగా కొన్ని వందల milligrams నల్లటి ధూళి మాత్రమే మిగిలింది. ఆ ధూళిలో particle accelerators, అయస్కాంత filters సహాయంతో Iron-60 అనే radioactive isotope ను గుర్తించారు.

Iron-60 భూమిపై సహజంగా ఏర్పడే మూలకం కాదు. భారీ నక్షత్రం సూపర్నోవాగా పేలిపోయేటప్పుడు ఏర్పడే అత్యంత తీవ్రమైన ఉష్ణోగ్రతల వల్ల మాత్రమే ఈ isotope జన్మిస్తుంది. అంటార్కిటికాలో దొరికిన ఈ కాస్మిక్ కణాలు 40,000 నుంచి 81,000 సంవత్సరాల నాటివని శాస్త్రవేత్తలు లెక్కగట్టారు.

మన సౌరవ్యవస్థ ప్రస్తుతం Local Interstellar Cloud అని పిలిచే ప్రాంతం గుండా ప్రయాణిస్తోంది. ఇది పాత సూపర్నోవా వదిలిన gas, plasma, అంతరిక్ష ధూళి సమూహం. భూమి చాలా కాలంగా ఈ నక్షత్ర అవశేషాల గుండా వెళ్తోందని, ఆ ధూళి నేటికీ భూమిపై పడుతూ ఉండవచ్చని శాస్త్రవేత్తలు చెప్తున్నారు.

కాలం గడిచేకొద్దీ Iron-60 సాంద్రతలో వచ్చిన మార్పులను బట్టి మన గ్రహం అంతరిక్షంలో ఏ ప్రాంతాల గుండా ప్రయాణించిందో map తయారు చేయవచ్చని పరిశోధకులు తెలిపారు. ఈ పరిశోధన వివరాలు Physical Review Letters అనే అంతర్జాతీయ science journal లో ప్రచురితమయ్యాయి.