క్రిమీ లేయర్ కుటుంబాలకు రిజర్వేషన్లపై సుప్రీంకోర్టు కీలక వ్యాఖ్యలు

వెనుకబడిన తరగతుల (OBC) క్రిమీ లేయర్ కుటుంబాలకు రిజర్వేషన్ ప్రయోజనాలపై సుప్రీంకోర్టు తీవ్ర అభ్యంతరాలు వ్యక్తం చేసింది. తల్లిదండ్రులు ఇద్దరూ IAS అధికారులుగా ఉన్న పిల్లలకు రిజర్వేషన్లు అవసరమా అని కోర్టు ప్రశ్నించింది.

OBC వర్గాల్లో సామాజికంగా, ఆర్థికంగా అభివృద్ధి చెందిన కుటుంబాలకు రిజర్వేషన్ ప్రయోజనాలు కొనసాగించాలని కోరుతూ దాఖలైన పిటిషన్‌పై విచారణ జరిగింది. ఈ సందర్భంగా జస్టిస్ నాగరత్న కీలక వ్యాఖ్యలు చేశారు.

ఉన్నత స్థాయికి చేరుకున్న తర్వాత ఆ కుటుంబాల పిల్లల పరిస్థితి కూడా మారుతుందని కోర్టు పేర్కొంది. ఇలా ఒక స్థాయికి చేరుకున్న వ్యక్తులను మినహాయించాలని ప్రభుత్వ ఉత్తర్వులు ఇప్పటికే ఉన్నాయి. కానీ ఈ మినహాయింపులను కొందరు సవాలు చేస్తున్నారని కోర్టు గుర్తించింది.

రిజర్వేషన్ల ద్వారా సాధికారత పొందిన తర్వాత తమ పిల్లలకూ అదే ప్రయోజనాలు కొనసాగాలని కోరడం సరికాదని కోర్టు అభిప్రాయపడింది. ఇలా కొనసాగితే రిజర్వేషన్ల వ్యవస్థ నుంచి ఎప్పటికీ బయటపడలేమని జస్టిస్ నాగరత్న అన్నారు. రిజర్వేషన్ల అమలులో సమతుల్యత అవసరమని కోర్టు స్పష్టం చేసింది.