సూర్యాస్త్ర పరీక్ష విజయవంతం: 300 కి.మీ. దూరంలో లక్ష్యాన్ని ఖచ్చితంగా ధ్వంసం

ఒడిశాలోని చాందీపూర్ Integrated Test Range లో సూర్యాస్త్ర రాకెట్ వ్యవస్థ విజయవంతంగా పరీక్షించబడింది. 150 కి.మీ. మరియు 300 కి.మీ. దూరంలోని లక్ష్యాలను ఈ వ్యవస్థ ఖచ్చితంగా చేదించింది.

పూణేకు చెందిన ప్రైవేట్ డిఫెన్స్ సంస్థ NIB Limited ఈ రాకెట్ వ్యవస్థను అభివృద్ధి చేసింది. 150 కి.మీ. రేంజ్ రాకెట్ కేవలం 1.5 మీటర్ల CEP తో లక్ష్యాన్ని చేదించింది. 300 కి.మీ. రేంజ్ రాకెట్ కేవలం 2 మీటర్ల CEP తో టార్గెట్‌ను ధ్వంసం చేసింది. CEP అంటే Circular Error Probable — ఈ విలువ తక్కువగా ఉంటే ఆయుధం మరింత ఖచ్చితంగా పనిచేస్తుంది.

ఈ పరీక్షలో Xtra మరియు Predator Hawk రాకెట్లు ఉపయోగించారని అధికారులు తెలిపారు. ఈ వ్యవస్థలో shoot-and-scoot సామర్థ్యం కూడా ఉంది. అంటే రాకెట్ ప్రయోగించిన వెంటనే launcher ను మరో ప్రాంతానికి తరలించవచ్చు.

ప్రభుత్వ సంస్థలతో పాటు ప్రైవేట్ కంపెనీలు కూడా రక్షణ తయారీలో భాగమవుతున్నాయని ఈ విజయం స్పష్టం చేస్తోంది. భారత సైన్యానికి దీర్ఘ శ్రేణి రాకెట్ వ్యవస్థగా సూర్యాస్త్రను అందించే అవకాశాలు ఉన్నాయని తెలుస్తోంది.