వృషభ రాశి వార ఫలాలు: 5 గ్రహాల అనుకూలతతో 50-60% శుభ ఫలితాలు; పెద్దలతో జాగ్రత్త

జ్యోతిష్య ప్రకారం, వృషభ రాశి వారికి ఈ వారం (జూన్ 7-13, 2026) ఐదు గ్రహాలు అనుకూలంగా ఉన్నాయి. మొత్తంగా 50 నుంచి 60% మంచి ఫలితాలు వస్తాయి. బుధుడు రెండవ భావంలో సంచరించడం వల్ల మాటకు విలువ పెరుగుతుంది. స్థిరాస్తుల నుంచి లాభాలు వస్తాయి. కుటుంబ వ్యాపారం ముందుకు వెళ్తుంది. ఖర్చులు తగ్గడం, ధనం పొదుపు కావడం కూడా కనిపిస్తుంది.

రెండవ భావంలోనే శుక్రుడు సంచరించడం వల్ల స్త్రీ సహకారం లభిస్తుంది. కలిసి పోటీలో గెలిచి విజయం సాధించే అవకాశం ఉంది. ఆత్మీయులతో విందు వినోదాల్లో పాల్గొనడం సంతోషాన్ని ఇస్తుంది.

తృతీయ భావంలో గురువు ప్రతికూలంగా సంచరిస్తున్నారు. సమాజంలో పేరున్న వారితో, గురువులతో, బంధువులతో మనస్పర్ధలు వచ్చే అవకాశం ఉంటుంది. తొందరపడి మాట్లాడడం వల్ల వారి సహకారం కోల్పోతారు.

చతుర్థంలో కేతువు సంచారం కారణంగా ఒక చిన్న అశాంతి, నిరాశ వెంటాడుతుంది. తల్లితండ్రుల విషయంలో ఇబ్బందులు రావచ్చు. వ్యయస్థానంలో కుజుడు సంచరిస్తున్నందున వాహన ఖర్చులు పెరుగుతాయి. వాహనం కొనుగోలు చేస్తే నచ్చక పోవచ్చు. చిన్న ప్రమాదాలు జరిగే అవకాశం ఉంది. జీవిత భాగస్వామితో మనస్పర్ధలు రావచ్చు. జన్మరాశిలో రవి సంచారం కూడా అంత అనుకూలం కాదు. బదిలీలు, ఇబ్బందికర ప్రయాణాలు తప్పకపోవచ్చు. అధికారులతో, తండ్రితో మాట్లాడేటప్పుడు జాగ్రత్త వహించాలి.

ఈ వారం సూర్యోదయానికి ముందే నిద్రలేచి సూర్యనమస్కారాలు చేయడం, సూర్యష్టకం పఠించడం, గోధుమలు/పిండిని పేదలకు దానం చేయడం వంటి పరిహారాలు చేస్తే సూర్యుడు అనుకూలించి అభివృద్ధి కలుగుతుంది.