దేశంలోనే తెలంగాణలో అత్యధిక మద్యం వినియోగం: NFHS-6 సర్వే

జాతీయ కుటుంబ ఆరోగ్య సర్వే-6 (NFHS-6) ప్రకారం భారతదేశంలో అత్యధికంగా మద్యం సేవించే రాష్ట్రంగా తెలంగాణ నిలిచింది. కేంద్ర ఆరోగ్య, కుటుంబ సంక్షేమ మంత్రిత్వ శాఖ ఈ సర్వే నివేదికను విడుదల చేసింది.

సర్వే వివరాల ప్రకారం తెలంగాణలో 15 ఏళ్లు దాటిన పురుషుల్లో 43.9% మంది, మహిళల్లో 6.8% మంది మద్యం తాగుతున్నారు. ఇది జాతీయ సగటు 18.9% కంటే చాలా ఎక్కువ. గ్రామీణ ప్రాంతాల్లో పురుషులు 47.9% మంది మద్యం సేవిస్తుండగా, పట్టణ ప్రాంతాల్లో ఈ సంఖ్య 34%గా ఉంది.

మహిళల విషయంలో గ్రామీణ, పట్టణ వ్యత్యాసం మరింత స్పష్టంగా కనిపించింది. పట్టణాల్లో 3.2% మహిళలు మాత్రమే మద్యం తాగుతుండగా, గ్రామీణ ప్రాంతాల్లో ఆ సంఖ్య రెట్టింపు అవుతూ 8.3%కి చేరింది. మొత్తంగా తెలంగాణలో ఇద్దరు పురుషుల్లో ఒకరు మద్యం సేవిస్తున్నట్లు సర్వే వెల్లడించింది.