తెలంగాణ క్యాబినెట్ సమావేశం నేడు: కొత్త CS సంజయ్ జాజు తొలి హాజరు

తెలంగాణ రాష్ట్ర క్యాబినెట్ సమావేశం నేడు జరగనుంది.

కొత్తగా నియమితులైన ప్రభుత్వ ప్రధాన కార్యదర్శి (CS) సంజయ్ జాజు ఈ సమావేశంలో తొలిసారి పాల్గొంటున్నారు.

సమావేశంలో ఇటీవల చేపట్టిన అభివృద్ధి పథకాలు, శాఖల పనితీరు, నిధుల కేటాయింపు, సంక్షేమ పథకాల అమలు తదితర అంశాలను సమీక్షిస్తారు. ఇందిరమ్మ ఇళ్ల నిర్మాణం, రైతు సంక్షేమ పథకాలు, ఉపాధి అవకాశాలు, మౌలిక వసతుల అభివృద్ధి, పెట్టుబడులకు ప్రోత్సాహం వంటి విషయాలపైనా చర్చించనున్నారు.

హైదరాబాద్ మెట్రో రైల్ ఇటీవలి పరిణామాలు, భవిష్యత్ కార్యాచరణపైనా ప్రత్యేకంగా చర్చ జరగనుంది. ఇందుకోసం ముఖ్యమంత్రి సహా మంత్రులకు ట్యాబ్ లను అందించారు.

అదనంగా, కేంద్రం ప్రతిపాదించిన కొత్త గ్రామీణ ఉపాధి హామీ పథకాన్ని తెలంగాణలో అమలు చేయాలా వద్దా అనే నిర్ణయం తీసుకోనున్నారు. వానాకాలం సాగు, విత్తనాలు, ఎరువుల సరఫరా, పంటల వైవిధ్యం, ఎల్నినో పరిస్థితులను ఎదుర్కోవడం వంటి వ్యవసాయ అంశాలపై కూడా చర్చించనున్నారు.

ఆంధ్రప్రదేశ్-తెలంగాణ రాష్ట్రాల మధ్య స్థానికత కలిగిన ఉద్యోగుల పరస్పర అంతర్రాష్ట్ర బదిలీలపై నిర్ణయం ఈ సమావేశంలో తీసుకుంటామని సమాచారం.