తెలంగాణ సీ క్లాస్ థియేటర్లకు అద్దె కూడా రావడం లేదు: ఎగ్జిబిటర్ వాపోవు

హసన్పర్తి, మోత్కపూర్‌లో థియేటర్లు కలిగి ఉన్న ఒక ఎగ్జిబిటర్ తెలంగాణలో సీ క్లాస్ సెంటర్ల పరిస్థితిపై ఆందోళన వ్యక్తం చేశారు. డిస్ట్రిబ్యూటర్, ఎగ్జిబిటర్, నిర్మాత — ఈ మూడు రంగాల్లో పనిచేసిన అనుభవజ్ఞుడైన ఆయన, నేటి పరిస్థితి పూర్తిగా దిగజారిందని చెప్పారు.

గతంలో నరసంపేట ఉమా టూరింగ్ టాకీస్ వంటి థియేటర్లలో percentage system లో మంచి ఆదాయం వచ్చేదని ఆయన తెలిపారు. అప్పట్లో తెలంగాణలో 70 మంది డిస్ట్రిబ్యూటర్లు, 350 థియేటర్లు ఉండేవని, ఇప్పుడు వాటిలో చాలా మూతపడ్డాయని చెప్పారు.

Rent-or-percentage విధానం వచ్చిన తర్వాత అద్దె సైతం సరిగ్గా ఇవ్వడం లేదని ఆయన ఆరోపించారు. సినిమా ఆడినా ఆడకపోయినా ₹70,000 rent ఇస్తామని చెప్పి, అది కూడా చెల్లించడం లేదని వివరించారు.

కరోనా తర్వాత సీ క్లాస్ సెంటర్లకు సినిమాలు రావడం తగ్గిపోయింది. నెలకు ఒక్క సినిమా మాత్రమే వస్తున్నదని, దాని నుండి కూడా rent గానీ, percentage గానీ సరిగ్గా రావడం లేదని ఆయన తెలిపారు. థియేటర్లను functions కి ఇచ్చుకుంటేనే ఏదైనా ఆదాయం వస్తోందని చెప్పారు.