తెలంగాణలో ప్రభుత్వ ఉద్యోగాలకు వయో పరిమితి సడలింపు మరో ఏడాది పొడగింపు

తెలంగాణ ప్రభుత్వం రాష్ట్ర ఉద్యోగాల భర్తీలో వయో పరిమితి సడలింపును మరో ఒక సంవత్సరం పొడగిస్తూ GO జారీ చేసింది. దీని ప్రకారం గరిష్ట వయో పరిమితి 34 ఏళ్ల నుంచి 44 ఏళ్లకు పెంచిన సడలింపు కొనసాగుతుంది.

తెలంగాణ రాష్ట్రం ఏర్పడిన తర్వాత ఉద్యోగ నోటిఫికేషన్ల జారీలో జరిగిన ఆలస్యాన్ని దృష్టిలో పెట్టుకుని ప్రభుత్వం గతంలో 10 ఏళ్ల వయో పరిమితి సడలింపు ఇచ్చింది. ఆ పాత GO గడువు ముగియడంతో లక్షలాది అభ్యర్థులు ఆందోళన వ్యక్తం చేశారు.

నిరుద్యోగ JAC లు డిప్యూటీ CM, ఆర్థిక మంత్రి భట్టి విక్రమార్కను కలిసి సడలింపు పొడగించాలని విజ్ఞప్తి చేశాయి. ఉద్యోగాల భర్తీ ప్రక్రియ ఇంకా కొనసాగుతున్న నేపథ్యంలో అభ్యర్థులకు నష్టం జరగకూడదనే ఉద్దేశంతో ప్రభుత్వం ఈ నిర్ణయం తీసుకుందని GO లో పేర్కొంది.

ఈ సడలింపు direct recruitment ద్వారా భర్తీ చేసే సాధారణ civil ఉద్యోగాలకు మాత్రమే వర్తిస్తుంది. పోలీస్, Excise, Fire, జైలు శాఖ వంటి uniform పోస్టులకు ప్రత్యేక వయో పరిమితి నిబంధనలు వర్తిస్తాయని ప్రభుత్వం స్పష్టం చేసింది.