తెలంగాణ ప్రభుత్వం రిటైర్డ్ ఉద్యోగులకు ₹2,000 కోట్ల బకాయిలు విడుదల

తెలంగాణ ప్రభుత్వం రిటైర్డ్ ఉద్యోగులకు ₹2,000 కోట్ల బకాయిలు విడుదల చేసింది. డిప్యూటీ సీఎం భట్టి విక్రమార్క ఆదేశాల మేరకు ఈ నిధులు విడుదలయ్యాయి.

సీఎం రేవంత్ రెడ్డి 100 రోజుల్లో ₹6,000 కోట్లు చెల్లిస్తామని హామీ ఇచ్చారు. ఇప్పటివరకు ₹2,000 కోట్లు విడుదల చేశారు. మిగతా ₹4,000 కోట్లు దశలవారీగా విడుదల చేస్తామని ప్రభుత్వం తెలిపింది.

ముందస్తు ప్రణాళికతో ఈ బకాయిల చెల్లింపు సాధ్యమైందని ఆర్థిక శాఖ ముఖ్య కార్యదర్శి సందీప్ కుమార్ సుల్తానియా పేర్కొన్నారు.

ఇదిలా ఉండగా, అన్ని ప్రభుత్వ సేవలను ఒకే కార్డు ద్వారా అందించేందుకు Unified Smart Card ప్రణాళికను సిద్ధం చేస్తున్నారు. సీఎం రేవంత్ రెడ్డి ఆదేశాల మేరకు 10 రోజుల్లో ప్రణాళికను రూపొందించాలని చీఫ్ సెక్రెటరీ రామకృష్ణ రావు అధికారులను ఆదేశించారు.