తెలంగాణ PRC రిపోర్ట్ ఆగస్టు లోపు వస్తుందని JAC విశ్వాసం

తెలంగాణ ప్రభుత్వ ఉద్యోగుల జాయింట్ యాక్షన్ కమిటీ (JAC) సెక్రెటరీ జనరల్ ఎలూరు శ్రీనివాసరావు PRC రిపోర్ట్‌పై స్పష్టత ఇచ్చారు. రెండు మూడు నెలల్లోనే PRC రిపోర్ట్ తెప్పించుకుంటారని, ఆగస్టు లోపు ప్రకటించే అవకాశం ఉందని ఆయన పేర్కొన్నారు.

మే 5న ముఖ్యమంత్రి సాధ్యమైనంత త్వరగా PRC రిపోర్ట్ తెప్పిస్తామని హామీ ఇచ్చారని శ్రీనివాసరావు తెలిపారు. PRC కమిషన్ రిపోర్ట్ వచ్చిన తర్వాత ఆరు నెలల్లోపు అమలు చేయాల్సిన అవసరం ఉందని చెప్పారు. ఇప్పటివరకు ఇవ్వని ఐదు DA లు కొత్త PRC లో merge అవ్వాలని JAC డిమాండ్ చేస్తోంది.

హెల్త్ కార్డుల విషయంలో జూన్ 1 నుంచి కార్డులు distribute చేస్తామని చీఫ్ సెక్రటరీ స్పష్టం చేశారని శ్రీనివాసరావు తెలిపారు. పెన్షనర్లకు పెండింగ్ బిల్స్ నిమిత్తం 100 రోజుల్లో ₹6,000 కోట్లు చెల్లిస్తామని ముఖ్యమంత్రి, ఉప ముఖ్యమంత్రి, ఫైనాన్స్ సెక్రటరీ స్పష్టత ఇచ్చారని ఆయన చెప్పారు.

2003 తర్వాత ఉద్యోగాలు పొందిన వారికి పాత పెన్షన్ (OPS) అమలు చేస్తామని ప్రభుత్వం హామీ ఇచ్చింది. అయితే CPS విషయంలో పూర్తి నిర్ణయం ఇప్పుడే తీసుకోలేమని, Joint Staff Council సమావేశంలో చర్చించి తేల్చాలని చీఫ్ సెక్రటరీ తెలిపారు. 2012 తర్వాత 13 సంవత్సరాలకు Joint Staff Council మళ్ళీ ఏర్పాటైందని శ్రీనివాసరావు పేర్కొన్నారు.

JAC దగ్గర మొత్తం 63 డిమాండ్లు ఉండగా, వాటిలో 26 పాక్షికంగా పరిష్కారమయ్యాయని, మిగిలిన 37 పెండింగ్‌లో ఉన్నాయని ఆయన వివరించారు.