తెలంగాణలో పర్యాటక వారోత్సవాలు ప్రారంభం — మే 23 వరకు కార్యక్రమాలు

తెలంగాణ ప్రభుత్వం రాష్ట్రవ్యాప్తంగా పర్యాటక వారోత్సవాలు నిర్వహిస్తోంది. ఈ నెల 23 వరకు వివిధ కార్యక్రమాలు జరుగుతాయి.

పర్యాటక, సాంస్కృతిక శాఖ మంత్రి జూపల్లి కృష్ణారావు ఈ వారోత్సవాలను ప్రారంభించారు. పర్యాటక శాఖతో పాటు భాషా, సాంస్కృతిక, పురావస్తు శాఖలు కలిసి ఈ కార్యక్రమాలు నిర్వహిస్తున్నాయి.

హైదరాబాద్ లోని రవీంద్ర భారతి సహా అన్ని జిల్లా కేంద్రాల్లో కార్యక్రమాలు జరుగుతాయి. జానపద కళా ప్రదర్శనలు, పేరిణీ నృత్యం, శాస్త్రీయ నృత్యాలు, సాహిత్య కార్యక్రమాలు, సంగీత కచేరీలు ఉంటాయి.

Eco tourism ప్రదేశాల ప్రచారంతో పాటు పర్యాటక రంగంలో యువతకు ఉపాధి అవకాశాలపై అవగాహన కల్పిస్తారు. మే 23న హైదరాబాద్‌లో 'Destination Telangana — Strategies for the Next Front of Tourism' పేరిట పర్యాటక సదస్సు జరుగుతుంది.