వానల కోసం తెలంగాణ గ్రామాల్లో ప్రత్యేక పూజలు, రైతుల ఆర్తి

నిర్మల్ జిల్లా బాసర, జోగులంబ గద్వాల, ఖమ్మం, సిద్దిపేట జిల్లా హుస్నాబాద్ మండలం పూట్లపల్లి తదితర గ్రామాల్లో రైతులు వర్షాల కోసం గ్రామదేవతలకు ప్రత్యేక పూజలు నిర్వహించారు. జూలై నెల ముగిసినా సరైన వర్షాలు లేక వేసిన పంటలు ఎండిపోతున్నాయని ఆందోళన వ్యక్తం చేశారు.

బాసరలో గోదావరి నది నుంచి నీళ్లు తీసుకొచ్చి అభిషేకాలు చేయగా, గద్వాలలో 101 బిందెలతో ఊరేగింపు జరిగింది. ఖమ్మం జిల్లాలో లీల బిందెలతో బొడ్రాయికి పూజలు, పసుపు కుంకుమ సమర్పణ చేశారు. మహిళలు బతుకమ్మ ఆటలు ఆడుతూ, డప్పు సప్పులతో వానదేవుడిని వేడుకున్నారు.

వేసిన కంది, పత్తి గింజలు మొలవకుండా ఎండిపోతుండడంతో చెరువులు కూడా నిండలేదని రైతులు తెలిపారు. ఎల్నినో ప్రభావంతో ఈ ఏడాది వర్షాలు తక్కువగానే ఉంటాయని కొందరు చెబుతుండగా, ప్రతి ఏడాది మాదిరిగానే ఇప్పుడు అన్ని వానాలు కురిసి పంటలు పండాలని వారు భగవంతుడిని ప్రార్థించారు.