తెలంగాణ‌లో వైరల్ ఫీవర్ కేసులు భారీగా పెరుగుదల, ఓపీలు 20% అధికం

తెలంగాణ రాష్ట్రంలో వైరల్ ఫీవర్ కేసులు ఒక్కసారిగా పెరిగాయి. రుచి, వాసన కోల్పోవడం, గొంతు నొప్పి, ఒంటి నొప్పులు, తీవ్రమైన నీరసం వంటి లక్షణాలతో రోగులు హాస్పిటల్స్‌కు వస్తున్నారు.

హైదరాబాద్‌లోని గాంధీ, ఉస్మానియా వంటి ప్రభుత్వ హాస్పిటల్స్‌లో ఔట్ పేషెంట్ల సంఖ్య మామూలు రోజులతో పోలిస్తే 20% వరకు పెరిగినట్టు తెలుస్తోంది. వాతావరణంలో మార్పుల వల్ల ఈ పెరుగుదల కనిపిస్తోంది.

చాలా మంది రోగులు కరోనా సమయంలో ఎదుర్కొన్న లక్షణాలతోనే బాధపడుతుండడంతో టెస్టులు చేయించుకుంటున్నారు. అయితే ఇవి సాధారణ వైరల్ ఇన్ఫెక్షన్లలో కూడా కనిపించే లక్షణాలేనని డాక్టర్లు వివరిస్తున్నారు.

వైరల్ లోడ్ ఎక్కువగా ఉండడం వల్లే రుచి, వాసన కోల్పోతున్నారని, దీనిపై ఆందోళన పడాల్సిన అవసరం లేదని వైద్యులు సూచిస్తున్నారు. అమ్మవారి నీటి కలయిక వల్ల వాంతులు, విరోచనాలు వంటి ఇబ్బందులు వచ్చే అవకాశం ఉన్నందున నీటిని కాచి, చల్లార్చి తాగాలని సూచించారు.

డెంగ్యూ, మలేరియా వంటి సీజనల్ వ్యాధులు కూడా పెరుగుతున్నాయని డాక్టర్లు హెచ్చరిస్తున్నారు. ప్రజలు మాస్క్ ధరించాలని, బయట ఆహారం సాధ్యమైనంత వరకు తీసుకోకపోవడమే మంచిదని వైద్య నిపుణులు సూచిస్తున్నారు.