తూర్పు గోదావరి: గోపాలపురం అటవీ ప్రాంతంలో పెద్ద పులి సంచారం

తూర్పు గోదావరి జిల్లా గోపాలపురం మండల అటవీ ప్రాంతంలో పెద్ద పులి సంచరిస్తోంది. కరగపాడు, బుచ్చేయపాలెం, నందిగూడం అటవీ ప్రాంతాల్లో పులి పాదముద్రలు కనిపించాయి.

పోలీసులు మూడు బృందాలుగా ఏర్పడి గాలింపు చర్యలు చేపట్టారు. అటవీ శాఖ అధికారులు డ్రోన్లు, ట్రాప్ కెమెరాలు ఏర్పాటు చేస్తున్నారు.

పులి సంచారంతో స్థానికులు భయాందోళనకు గురవుతున్నారు. అధికారులు ప్రజలను అప్రమత్తంగా ఉండాలని సూచించారు. పొలాల్లో పనిచేసే రైతులు, పశువులను కాపలాగా ఉంచుకోవాలని స్థానిక నాయకులు కోరారు.