తిరుమలలో మరిచిపోయిన 45 లక్షల బంగారు ఆభరణాలు హోటల్ క్యాషియర్ తిరిగి ఇచ్చారు

తిరుమలలోని గరుడాద్రి హోటల్‌లో 45 లక్షల రూపాయల విలువైన బంగారు ఆభరణాలు దొరికిన ఘటనలో హోటల్ క్యాషియర్ శశి నిజాయితీ ప్రదర్శించారు. ఆమె ఆ ఆభరణాలను భద్రంగా దాచి పోలీసులకు అప్పగించారు.

బెంగళూరుకు చెందిన భరత్ కుమార్ కుటుంబం వివాహం కోసం తిరుమల వచ్చారు. వారు అలిపిరి సమీపంలోని గరుడాద్రి హోటల్‌లో భోజనం చేస్తుండగా, 300 గ్రాముల బంగారు ఆభరణాలు ఉన్న హ్యాండ్ బ్యాగ్ ను అక్కడే మరిచిపోయారు. బెంగళూరు చేరుకున్న తర్వాత బ్యాగ్ కనిపించకపోవడంతో భరత్ కుమార్ డయల్ 1112 కు ఫిర్యాదు చేశారు.

పోలీసులు స్పందించి హోటల్ వద్ద విచారణ జరిపారు. క్యాషియర్ శశి కస్టమర్లు మరిచిపోయిన బ్యాగ్ ను గమనించి సురక్షితంగా దాచినట్లు గుర్తించారు. పోలీసుల సమక్షంలో బ్యాగ్ తెరిచి చూడగా, అందులో సుమారు 300 గ్రాముల బంగారు ఆభరణాలు ఉన్నాయని నిర్ధారించారు. తర్వాత ఆ బ్యాగ్ ను యజమాని భరత్ కుమార్‌కు అప్పగించారు.

తిరుపతి జిల్లా ఎస్పీ సుబ్బారాయుడు శ్రీమతి శశిని శాల్వాతో సన్మానించి అభినందించారు. నిజాయితీ మనిషి సంపాదించగల అత్యంత విలువైన ఆస్తి అని ఆయన పేర్కొన్నారు.