స్ట్రెయిట్ ఆఫ్ హార్ముజ్‌పై అమెరికా నౌకాదళం పూర్తి నియంత్రణ: ట్రంప్ వ్యాఖ్య

అధ్యక్షుడు డొనాల్డ్ ట్రంప్ స్ట్రెయిట్ ఆఫ్ హార్ముజ్ జలసంధిపై అమెరికా నౌకాదళానికి పూర్తి నియంత్రణ ఉందని, ఇరాన్ మినహా ఇతర దేశాల నౌకలకు ఇది తెరచి ఉందని స్పష్టం చేశారు. ఇరాన్‌తో కొనసాగుతున్న ప్రత్యక్ష చర్చల నేపథ్యంలో విలేకరులతో మాట్లాడుతూ ఈ ప్రకటన చేశారు. ప్రపంచ చమురు సరఫరాలో కీలకమైన ఈ మార్గంలో అమెరికా నౌకాదళం ఒక ‘స్టీల్ వాల్’ (ఉక్కు గోడ) నిర్మించిందని, ఇరాన్ కు వెళ్లే నౌకలను మాత్రమే అడ్డుకుంటున్నామని ట్రంప్ తెలిపారు. ఇరాన్ అప్పుడప్పుడు మైన్‌లు వేస్తున్నా, వాటిని గుర్తించి తొలగిస్తున్నామన్నారు. ఇరాన్ పూర్తిగా దివాళాతీసిందని, ఆ దేశంలో ద్రవ్యోల్బణం 309 శాతానికి చేరిందని, సైనికులకు జీతాలు చెల్లించలేని స్థితి ఉందని వ్యాఖ్యానించారు. ఇరాన్ నష్టపరిహారం డిమాండ్ చేసినందుకు బదులుగా, గత 50 సంవత్సరాల్లో ఇరాన్ వల్ల జరిగిన నష్టాలకు, ఇటీవల 52 వేల మంది నిరసనకారుల హత్యలకు పరిహారం చెల్లించాలని అమెరికా డిమాండ్ చేసినట్లు ట్రంప్ వెల్లడించారు. చర్చల ఫలితం త్వరలో వెల్లడవుతుందని, తాము సైనిక ఎంపికను కూడా పరిశీలిస్తున్నామని సూచించారు. ఇరాన్ 50 ఏళ్లుగా మధ్యప్రాచ్యంలో ‘బెదిరింపు’గా వ్యవహరించిందని, ఇప్పుడు దాని పర్యవసానాలు ఎదుర్కొంటోందన్నారు.