తిరుమల నారాయణగిరిపై శ్రీవారి పాదాల చెంత చత్ర స్థాపనోత్సవం

తిరుమలలోని ఏడుకొండల్లో అత్యంత ఎత్తైన నారాయణగిరి శిఖరంపై శ్రీవారి పాదాల చెంత చత్ర స్థాపనోత్సవం జూలై 26న శాస్త్రోక్తంగా నిర్వహించారు.

రెండో గంట అనంతరం శ్రీవారి ఆలయం నుండి ప్రత్యేకంగా అలంకరించిన గొడుగు, పూజా సామగ్రి, పుష్పాలు, నైవేద్యాన్ని మంగళ వాయిద్యాలతో మాడవీధుల గుండా ఊరేగింపుగా తీసుకెళ్లారు. వీటిని మేదర మిట్ట మీదుగా నారాయణగిరి శిఖరానికి చేర్చి, శ్రీవారి పాదాలకు తిరుమంజనం నిర్వహించి విశేష అలంకారం చేశారు. అనంతరం ప్రత్యేక పూజలు, నైవేద్యం సమర్పణ జరిగింది. వేద పారాయణదారులు ప్రబంధ ఘంటాపదం నిర్వహించారు. భక్తులకు ప్రసాదాలు పంపిణీ చేశారు.

తిరుమలలో రోజూ లక్షలాది మంది భక్తులు వస్తుంటారు. వారికి అన్ని సౌకర్యాలు కల్పించేందుకు తిరుమల తిరుపతి దేవస్థానం (టీటీడీ) అధికారులు నిరంతరం చర్యలు తీసుకుంటున్నారు.