తుంగభద్ర ప్రాజెక్టుకు 33 కొత్త గేట్లు ఏర్పాటు; 25వ తేదీన ప్రారంభోత్సవం

తుంగభద్ర ప్రాజెక్టులో 33 కొత్త స్వెల్వే గేట్ల ఏర్పాటు 51 కోట్ల రూపాయల వ్యయంతో పూర్తయింది. ఈ నెల 25వ తేదీన ఈ గేట్ల ప్రారంభోత్సవం జరగనుంది.

దాదాపు 73 సంవత్సరాల క్రితం నిర్మించిన ఈ ప్రాజెక్టు ఆంధ్రప్రదేశ్, కర్ణాటక, తెలంగాణలకు కీలకమైన సాగునీటి వనరు. 2024 ఆగస్టులో వచ్చిన వరద ప్రవాహానికి 19వ గేటు కొట్టుకుపోయింది. నీటి వృధాను అడ్డుకునేందుకు అప్పట్లోనే ఆంధ్రప్రదేశ్ ప్రభుత్వం స్టాప్ లాక్ గేటును ఏర్పాటు చేసింది. నేషనల్ డ్యామ్ సేఫ్టీ అథారిటీ (NDSA) స్వెల్వే గేట్లన్నీ మార్చాలని సిఫారసు చేసిన తర్వాత, ఏపీ, కర్ణాటక రాష్ట్రాలు సంయుక్తంగా కొత్త గేట్ల నిర్మాణాన్ని కేవలం ఆరు నెలల వ్యవధిలోనే పూర్తి చేశాయి.

తుంగభద్ర ప్రాజెక్టు నుంచి ఆంధ్రప్రదేశ్ లోని కుడికాలువ ద్వారా 1.46 లక్షల హెక్టార్లకు సాగునీరు అందుతోంది. ఈ నీరు కర్నూలు, కడప, అనంతపురం జిల్లాలకు చేరుతుంది. దీనితో పాటు వందలాది గ్రామాలకు తాగునీరు కూడా లభిస్తోంది.

25వ తేదీన జరిగే ప్రారంభోత్సవ కార్యక్రమంలో ఆంధ్రప్రదేశ్ ముఖ్యమంత్రి చంద్రబాబు నాయుడు, కర్ణాటక సీఎం శివకుమార్, తెలంగాణ సీఎం రేవంత్ రెడ్డి, కేంద్ర మంత్రి సి.ఆర్. పాటీల్ పాల్గొననున్నారు.