పదేళ్లలో ఆరుగురు ప్రధానులు: బ్రిటన్ రాజకీయ అస్థిరతకు కారణాలు

యూకే 2015 నుంచి ఇప్పటివరకు ఆరుగురు ప్రధానమంత్రులను చూసింది. డేవిడ్ కామెరూన్, థెరీసా మే, బోరిస్ జాన్సన్, లిజ్ ట్రస్, రిషి సునాక్, కీర్ స్టార్మర్లు స్వల్పకాలం అధికారంలో ఉన్నారు. ఈ అస్థిరతకు ప్రధాన కారణం 2016 బ్రెగ్జిట్ రెఫరెండం.

2016లో యూరోపియన్ యూనియన్ నుంచి బయటకు రావాలని ప్రజలు ఓటు వేశారు. దీనివల్ల యూరోప్‌తో వాణిజ్యం, పెట్టుబడులు తగ్గాయి. స్కిల్డ్ లేబర్ లభ్యత తగ్గింది. ఆర్థిక వ్యవస్థ బలహీనపడింది.

యూకే రాజకీయ వ్యవస్థలో ప్రధానమంత్రిని పార్టీ ఎంపీలు సామూహికంగా సవాల్ చేయవచ్చు. బై-ఎలక్షన్లు, అంతర్గత పోరు త్వరగా నాయకత్వ మార్పులకు దారితీస్తాయి. ఫిరాయింపుల నిరోధక చట్టం లేదు. బోరిస్ జాన్సన్, లిజ్ ట్రస్, రిషి సునాక్ పార్టీ తిరుగుబాటు కారణంగా రాజీనామా చేశారు.

బ్రెగ్జిట్ తర్వాత నాన్-యూరోపియన్ దేశాల నుంచి వలసలు పెరిగాయి. ఇది సామాజిక ఉద్రిక్తతలను, రాజకీయ చర్చలను రేపింది. లండన్ మేయర్ వంటి పదవుల్లో వలస నేపథ్యం నేతలు ఎన్నికయ్యారు.

ఉత్తర సముద్రం చమురు నిల్వలు తగ్గడం, పారిశ్రామిక ఉత్పత్తి కుంగిపోవడం, టూరిజం మీద ఆధారపడటం బ్రిటన్ ఆర్థిక వ్యవస్థను మరింత బలహీనపరిచింది. నార్వే లాగా సావరిన్ వెల్త్ ఫండ్ ఏర్పాటు కాలేదు.

ప్రస్తుతం కీర్ స్టార్మర్ నేతృత్వంలో లేబర్ ప్రభుత్వం ఉంది. అయితే రాజకీయ అనిశ్చితి కొనసాగుతోంది. స్కాట్లాండ్ స్వాతంత్య్ర డిమాండ్ అదనపు సవాలుగా మారింది.