ఉప్పల్-నారపల్లి ఎలివేటెడ్ కారిడార్ పనులు: మూడు నెలల ట్రాఫిక్ ఆంక్షలు

ఉప్పల్-నారపల్లి ఎలివేటెడ్ కారిడార్ నిర్మాణ పనుల కోసం ఉప్పల్ క్రాస్ రోడ్ వద్ద మూడు నెలల పాటు ట్రాఫిక్ ఆంక్షలు విధించారు. ట్రాఫిక్ పోలీసులు, RTC అధికారులు, మునిసిపల్ అధికారులు ఇది నిర్ధారించారు.

ఉప్పల్ క్రాస్ రోడ్ వద్ద మధ్య రోడ్డు పూర్తిగా మూసివేశారు. RTC bus stand ఉప్పల్ క్రాస్ రోడ్ నుంచి నల్లచెరువు వద్దకు మార్చారు.

విధించిన డైవర్షన్లు ఇవి. రామంతాపూర్, అప్సిగూడ నుంచి వరంగల్ వెళ్ళే వాహనాలు పిస్తా హౌస్ లేదా లిటిల్ ఫ్లవర్ హై స్కూల్ వెనక నుండి బీరప్పగడ్డ మీదుగా వరంగల్ జాతీయ రహదారికి చేరుకోవాలి. నాగోల్, LB నగర్ వైపు నుంచి వరంగల్ వెళ్ళే వాహనాలు హయత్ నగర్ మీదుగా పెద్దంబర్పేట ORR నుండి లేదా సర్వీస్ రోడ్ ద్వారా ఘటకేసర్ వద్ద వరంగల్ జాతీయ రహదారికి చేరుకోవాలి. పీర్జాదిగూడ నుంచి సికింద్రాబాద్ వెళ్ళే వాహనాలు లక్ష్మారెడ్డి కాలనీ మీదుగా ఉప్పల్ metro station వద్ద U-turn తీసుకోవాలి. పీర్జాదిగూడ నుంచి నాగోల్ వెళ్ళాలంటే ఉప్పల్ భగాయత్ layout ద్వారా వెళ్ళాలి. హఫ్సిగూడ నుంచి నాగోల్ వైపు వెళ్ళే వాహనాలకు ఎటువంటి ఆంక్షలు లేవు.

ఈ మార్పు కారణంగా అనేక మంది ప్రయాణికులు ఇబ్బందులు పడుతున్నారు. బస్సులు అందుబాటులో లేకపోవడంతో వరంగల్, హనుమకొండ, యాదగిరిగుట్ట రూట్లలో వెళ్ళే ప్రయాణికులు నడుచుకుంటూ వెళ్ళాల్సి వస్తోంది. చాలా మంది ప్రయాణికులకు ఈ డైవర్షన్ విషయం ముందుగా తెలియలేదని ఘటనాస్థలి ప్రయాణికులు తెలిపారు.