ఉప్పల్ రింగ్ రోడ్ తాత్కాలికంగా మూసివేత — ప్రత్యామ్నాయ మార్గాలు ఇవే

హైదరాబాద్‌లో ఉప్పల్ రింగ్ రోడ్‌పై వరంగల్ వైపు వెళ్ళే రహదారిని తాత్కాలికంగా మూసివేశారు. ఉప్పల్ ప్రాంతంలో elevated corridor flyover పిల్లార్ నిర్మాణ పనులు జరుగుతున్నాయి. ఈ నేపథ్యంలో మల్కాజగిరి మున్సిపల్ కార్పొరేషన్ అధికారులు ప్రత్యామ్నాయ మార్గాలు ప్రకటించారు.

వరంగల్ నుండి హైదరాబాద్ వచ్చే చిన్న వాహనాలు — Mayfield Hotel దాటిన తర్వాత ఉప్పల్ బగాయత్ మీదుగా నాగోల్ వెళ్ళి, service road ద్వారా flyover కింద U-turn తీసుకోవాలి. వరంగల్ నుండి వచ్చే బస్సులు, లారీలు సహా పెద్ద వాహనాలు Outer Ring Road మీదుగా హయాత్ నగర్ ద్వారా హైదరాబాద్ చేరాలి.

హైదరాబాద్ నుండి వరంగల్ వెళ్ళే వాహనాలు రెండు మార్గాల్లో వెళ్ళవచ్చు. Survey of India junction వద్ద Pista House పక్క నుండి బీరప్పగడ్డ మీదుగా NH 163 ద్వారా వెళ్ళవచ్చు. లేదా LB నగర్, హయాత్ నగర్, ORR మీదుగా ఘట్కేసర్ నుండి వరంగల్ చేరవచ్చు.

పీర్జాదిగూడ నుండి సికింద్రాబాద్ వెళ్ళే వాహనాలు లక్ష్మారెడ్డి కాలనీ మీదుగా ఉప్పల్ metro station వద్ద U-turn తీసుకోవాలి. పీర్జాదిగూడ నుండి నాగోల్ చేరాలంటే ఉప్పల్ బగాయత్ layout ద్వారా వెళ్ళాలి. హబ్సిగూడ నుండి నాగోల్ వెళ్ళే వాహనాలకు ఎలాంటి ఆంక్షలు లేవని మల్కాజగిరి మున్సిపల్ కమిషనర్ తెలిపారు.

ఇంతకు ముందు ఉప్పల్ GHMC కార్యాలయం పక్కన ఉన్న వరంగల్-హనుమకొండ-యాదగిరిగుట్ట బస్సుల stop ని నల్లచెరువు కట్ట సమీపానికి మార్చారు. ప్రయాణికులు బస్సు ఎక్కాలంటే ఇప్పుడు నల్లచెరువు ప్రాంతానికి వెళ్ళాలి.