పరస్పర దాడులు నిలిపివేతకు అమెరికా–ఇరాన్ అంగీకారం; జూలై 1న కతర్‌లో చర్చలు

అమెరికా, ఇరాన్ దేశాలు పరస్పరం దాడులు చేసుకోకుండా నిలిపివేతకు సూత్రప్రాయ అంగీకారం కుదుర్చుకున్నాయి. ఈ ఒప్పందం ప్రకారం జూలై 1న కతర్‌లో ఉన్నతస్థాయి సమావేశం జరగనుంది. భద్రత, ప్రాంతీయ పరిస్థితులు, భవిష్యత్తు చర్యలపై ఈ చర్చల్లో ప్రధానంగా చర్చించనున్నారు.

హార్మూన్ జలసంధిపై తమ నియంత్రణ ఉందని, దీనిపై కతార్ చర్చల్లో తాము గట్టిగా వాదిస్తామని ఇరాన్ స్పష్టం చేసింది. ఇటీవలి దాడుల్లో గల్ఫ్‌లోని ఎనిమిది అమెరికా సైనిక స్థావరాలను దెబ్బతీసినట్లు ఇరాన్ ప్రకటించింది. మరోవైపు, రెండు వాణిజ్య నౌకలపై ఇరాన్ దాడి చేసిందని, ఇది ఒప్పందానికి విరుద్ధమని అమెరికా ఆరోపించింది. దీనికి ప్రతిస్పందనగా తాము ఇరాన్‌పై ప్రతీకార దాడులు చేసినట్లు చెప్పింది.

రాజకీయ విశ్లేషకుడు మన్యం కోటీశ్వరరావు మాట్లాడుతూ, రెండు దేశాల మధ్య పరస్పర అనుమానాలు కొనసాగుతున్నాయన్నారు. నవంబరులో అమెరికా మధ్యంతర ఎన్నికలు, ఇజ్రాయెల్ ఎన్నికల వరకు ఇటువంటి ఆగి మళ్లీ మొదలయ్యే దాడులు కొనసాగుతాయని అభిప్రాయపడ్డారు. డోనాల్డ్ ట్రంప్‌పై అమెరికన్ ప్రతిపక్షాల నుంచి ఒత్తిడి నెలకొందని, ఇది కూడా అమెరికా వైఖరిని ప్రభావితం చేస్తుందని చెప్పారు.

ప్రస్తుత పరిస్థితి ఉద్రిక్తంగానే ఉన్నప్పటికీ, రెండు దేశాలు సైనిక చర్యలకు బ్రేక్ వేసి చర్చలకు సిద్ధమవడం మధ్యప్రాచ్యంలో శాంతి చర్చలకు దారితీసే అవకాశం ఉంది.