సెకండ్ హ్యాండ్ ల్యాప్టాప్ల కొనుగోలులో సైబర్ మోసాల ప్రమాదాలు – జాగ్రత్తలు

హైదరాబాద్‌లో సెకండ్ హ్యాండ్ ల్యాప్టాప్ల మార్కెట్ విస్తరిస్తోంది. కొత్త ల్యాప్టాప్ ధరలు రూ.60,000 నుంచి రూ.1.5 లక్షల వరకు ఉండటంతో, రూ.15,000-30,000 మధ్య దొరికే సెకండ్ హ్యాండ్ ల్యాప్టాప్లకు డిమాండ్ పెరిగింది. ముఖ్యంగా విద్యార్థులు, సాఫ్ట్వేర్ ఉద్యోగులు వీటిని ఎక్కువగా కొనుగోలు చేస్తున్నారు.

అయితే, సైబర్ నిపుణులు హెచ్చరిస్తున్నారు: ఇటువంటి ల్యాప్టాప్లలో దాచిన మాల్వేర్, స్పైవేర్ బ్యాంకింగ్ వివరాలు, పాస్వర్డ్లు, ఫొటోలు, ఇమెయిల్స్ దొంగిలించే ప్రమాదం ఉంది. వెబ్క్యామ్ హ్యాకింగ్ కూడా సాధ్యమే. చోరీ అయిన ల్యాప్టాప్ వాడితే పోలీసు కేసు నమోదు కావచ్చని హెచ్చరిస్తున్నారు.

కొనుగోలుకు ముందు తప్పనిసరిగా స్క్రీన్పై గీతలు, డెడ్ పిక్సెల్స్ చూసుకోవాలి. కీబోర్డ్, టచ్ప్యాడ్, స్పీకర్లు, వెబ్క్యామ్, యూఎస్బీ పోర్ట్లు, బ్యాటరీ బ్యాకప్ సరిగ్గా పనిచేస్తున్నాయో పరీక్షించుకోవాలి. ల్యాప్టాప్ కొన్నాక వెంటనే పూర్తిగా ఫార్మాట్ చేసి ఒరిజినల్ ఆపరేటింగ్ సిస్టమ్ ఇన్స్టాల్ చేసుకోవాలి. యాంటీవైరస్తో స్కాన్ చేయించడంతోపాటు నమ్మకమైన టెక్నీషియన్తో హార్డ్వేర్, సాఫ్ట్వేర్లను తనిఖీ చేయించుకోవాలి.

అంతేకాకుండా, ల్యాప్టాప్ కొనేటప్పుడు తప్పనిసరిగా బిల్లు తీసుకోవాలి. తెలిసిన, నమ్మకమైన వ్యక్తి నుంచే కొనాలి. పాత యాప్లన్నీ డిలీట్ చేయాలి. ఈ జాగ్రత్తలు తీసుకుంటే సైబర్ మోసాల బారిన పడకుండా ఉండవచ్చని నిపుణులు సూచిస్తున్నారు.