దాములూరు ఇసుక తవ్వకాలతో తనకు సంబంధం లేదన్న ఎమ్మెల్యే వసంత కృష్ణ ప్రసాద్

దాములూరు ఇసుక తవ్వకాల ఆరోపణలపై మైలవరం నియోజకవర్గ ఎమ్మెల్యే వసంత కృష్ణ ప్రసాద్ స్పందించారు. ఇసుక తవ్వకాలతో తనకు ఎలాంటి సంబంధం లేదని ఆయన స్పష్టం చేశారు. జోగి రమేష్ చేసిన ఆరోపణలు వాస్తవం కాదని తెలిపారు.

"ఇసుక తవ్వకాలు అనుమతి పొందిన వ్యక్తి నిబంధనల మేరకు నిర్వహిస్తున్నారు. ఒకవేళ నిబంధనలు ఉల్లంఘిస్తే అధికారులు చర్యలు తీసుకుంటారు" అని ఎమ్మెల్యే వివరించారు.

తన పేరు చెప్పి డబ్బు డిమాండ్ చేసిన వారు డబ్బు రాకపోతే అల్లరి మొదలుపెట్టారని, అలాంటి వారిని ప్రోత్సహించవద్దని వసంత కృష్ణ ప్రసాద్ హెచ్చరించారు. "చట్టబద్ధంగా అనుమతులు తీసుకుని ఎవరైనా మైలవరం నియోజకవర్గంలో వ్యాపారాలు చేసుకోవచ్చు. నా దగ్గరికి ఎవరూ రావాల్సిన అవసరం లేదు" అని ఆయన అన్నారు. గత ప్రభుత్వ హయాంలో లేఔట్లు, భూవినియోగ మార్పిడి పేరుతో డబ్బు వసూళ్లు జరిగాయని ఆరోపించారు.