వెనిజులాలో 7.1 భూకంపం; కరీబియన్ దీవులకు సునామీ హెచ్చరిక

వెనిజులాలో 7.1 తీవ్రతతో భారీ భూకంపం సంభవించింది. US జియోలాజికల్ సర్వే (USGS) సమాచారం ప్రకారం, భూకంప కేంద్రం యారకూయి రాష్ట్రంలోని మొరోన్ నగరానికి పశ్చిమంగా 21 కి.మీ. దూరంలో, భూమికి 13 కి.మీ. లోతులో నమోదైంది.

రాజధాని కారకాస్‌లో ఎత్తైన భవనాలు గాలిలో ఊయలలా ఊగిపోయాయి. గోడలకు పగుళ్లు రావడంతో లోపలి వస్తువులు కింద పడిపోయాయి. జనం భయంతో వీధుల్లోకి పరుగులు తీశారు. భూకంప కేంద్రం సమీపంలోని మోరోన్, ఇతర ప్రాంతాల్లో ప్రకంపనలు అత్యంత తీవ్రంగా ఉన్నాయి.

ఘటన స్థలానికి రెస్క్యూ బృందాలు చేరుకుని నష్టాన్ని అంచనా వేస్తున్నాయి. వెనిజులా ప్రభుత్వం రాబోయే రోజుల్లో అనంతర ప్రకంపనలు వచ్చే అవకాశం ఉన్నందున ప్రజలు అప్రమత్తంగా ఉండాలని సూచించింది. పొరుగు దేశం కొలంబియాలో కూడా ప్రకంపనలు అనుభూతమయ్యాయి.

ఈ భూకంపం నేపథ్యంలో కరీబియన్ దీవులకు సునామీ హెచ్చరికలు జారీ అయ్యాయి. US సునామీ హెచ్చరికల వ్యవస్థ ప్యూర్టో రికో, వర్జిన్ ఐలాండ్స్‌కు ముందస్తు అలర్ట్ జారీ చేసింది.