విశాఖ టెకీ రాధా గాయత్రి మృతిపై కుటుంబం ఆరోపణలు: భర్తపై హత్య కేసు నమోదు

విశాఖపట్నానికి చెందిన ఐటీ ఉద్యోగి రాధా గాయత్రి ముస్సోరీలో అనుమానాస్పద స్థితిలో మృతి చెంది 12 రోజులు గడిచింది. ఆమె భర్త శ్రీచరణ్‌పై హత్య కేసు నమోదు చేసి పోలీసులు దర్యాప్తు చేస్తున్నారు. రాధా గాయత్రి ట్రిప్‌లో భాగంగా భర్తతో కలిసి ఉత్తరాఖండ్‌లోని ముస్సోరీ వెళ్లింది.

మృతురాలి తండ్రి సుధాకర్, బంధువులు శ్రీచరణ్‌ను ముమ్మాటికీ ప్రీ-ప్లాన్డ్ హత్యగా ఆరోపిస్తున్నారు. చనిపోయినట్లు ఫోన్ చేసిన తర్వాత శ్రీచరణ్ తప్పించుకు తిరుగుతూ పోలీసులకు దొరక్కుండా లొకేషన్ ఆఫ్ చేశాడని కుటుంబం వాపోతోంది. హోటల్‌లో మద్యం తాగామని శ్రీచరణ్ చెప్పిన వాదనను బంధువులు ఖండించారు. ఆ హోటల్‌కు మద్యం సరఫరా లైసెన్స్ లేదనీ, రాధాకు మద్యం అలవాటు లేదనీ వారు స్పష్టం చేశారు.

చనిపోవడానికి ముందు రాధా గాయత్రి పంపిన ఓ ఆడియో మెసేజ్ బయటపడింది. అందులో భర్త ప్రవర్తనపై ఆమె ఆవేదన వ్యక్తం చేసింది. ‘నా మనసు పూర్తిగా విరిగిపోయింది, నా గురించి చెడుగా ప్రచారం చేస్తున్నారు’ అని ఆమె ఆడియోలో చెప్పుకొచ్చింది.

రాధా తండ్రి సుధాకర్ ముస్సోరీ వెళ్లి అక్కడి పోలీస్ ఉన్నతాధికారులను కలిశారు. పోస్ట్మార్టం రిపోర్ట్ కోసం ఆధారాలు అడిగారు. తాము తప్పక న్యాయం చేస్తామని అధికారులు హామీ ఇచ్చినట్లు చెప్పారు. ముస్సోరీలో విచారణ అధికారిని తాను కలిశానని శ్రీచరణ్ చెప్పిన మాటలు అబద్ధమని, ఆ అధికారి ఫోన్‌లో తనను ఇంతవరకు కలవలేదని చెప్పడంతో బంధువులు మరింత ఆగ్రహం వ్యక్తం చేశారు.

ప్రస్తుతం శ్రీచరణ్ ఎక్కడున్నాడో తెలియదు, ఫోన్ స్విచాఫ్ చేసి తిరుగుతున్నాడు. పోస్ట్మార్టం రిపోర్టు రాగానే కేసు స్పష్టత వస్తుందని కుటుంబం ఆశిస్తోంది. పోలీసులు దర్యాప్తు కొనసాగిస్తున్నారు.