యాదగిరిగుట్ట దేవస్థానం ట్రస్ట్ బోర్డు ప్రమాణ స్వీకారం

యాదగిరిగుట్ట శ్రీ లక్ష్మీనరసింహ స్వామి దేవస్థానం ట్రస్ట్ బోర్డు ప్రమాణ స్వీకారం చేసింది. చైర్మన్‌గా మన్నె సత్యనారాయణ రెడ్డి బాధ్యతలు స్వీకరించారు.

బోర్డు సభ్యులుగా బెల్లంపల్లి ఎమ్మెల్యే గడ్డం వినోద్, సురేఖ, మాజీ మంత్రి దేవేందర్ గౌడ్ కుమారుడు విజయేందర్ గౌడ్, మరో ఆరుగురితో పాటు దేవాలయ అధికారులు, గోపుర నిర్మాణ నిపుణులు ఉన్నారు. బోర్డు పదవీకాలం రెండేళ్లు.

ఈ కార్యక్రమంలో దేవాదాయ శాఖ మంత్రి కొండా సురేఖ, స్థానిక ఎమ్మెల్యే బీర్ల ఐలయ్య, ఎంపీ చామల కిరణ్ కుమార్ రెడ్డి పాల్గొని శుభాకాంక్షలు తెలిపారు. టీటీడీ తరహాలో భక్తులకు సౌకర్యాలు మెరుగుపరచడం, లడ్డు ప్రసాదాలు, బ్రహ్మోత్సవాలు, అభివృద్ధి పనులపై చర్చించినట్లు సమాచారం.