యోగిని ఏకాదశి: విశిష్టత, ఉపవాస విధానం, మంత్రం

జేష్ఠ మాసంలో కృష్ణ పక్షంలో వచ్చే ఏకాదశిని యోగిని ఏకాదశి అంటారు. శాస్త్రాల ప్రకారం ప్రతి 15 రోజులకు ఒక ఏకాదశి వస్తుంది. అందులో ఈ ఏకాదశి ప్రత్యేకమైనది. ఈ రోజు ఉపవాసం ఉండడం అత్యంత శ్రేష్ఠమైన వ్రతంగా పేర్కొనబడింది.

ఈ ఏకాదశి నాడు 'ఓం నమో భగవతే వాసుదేవాయ' మంత్రాన్ని జపిస్తూ విష్ణుమూర్తిని స్మరించాలి. సాయంత్రం ప్రదోష సమయంలో భగవద్గీత, విష్ణు సహస్రనామం, విష్ణు అష్టోత్తర శతనామావళి, విష్ణు పురాణం లేదా పురుష సూక్తం చదవడం లేదా వినడం పుణ్యప్రదమని భక్తుల విశ్వాసం. భాగవత గ్రంథాన్ని స్పృశించినా కూడా పుణ్యం లభిస్తుంది.

యోగిని ఏకాదశికి సంబంధించి ఒక పురాణ కథ ప్రసిద్ధి. కుబేరుని ఆస్థానంలో నర్తకి చేసిన దోషం వల్ల ఒక భటుడు శాపగ్రస్తుడయ్యాడు. ఆయన ఈ ఏకాదశి నాడు ఉపవాసం ఉండి శివునికి పుష్పమాలలు సమర్పించగా దోషం తొలగింది. విష్ణువు అనుగ్రహించాడు. శివుడు, కేశవుడు వేరు కాదని, ఇద్దరు ఒకటే అన్న భావం ఇందులో ఉంది.

ఉపవాసం పాటించడం కష్టంగా ఉన్నవారు పాలు, పండ్లు, నువ్వులు-బెల్లం కలిపిన ఉండలు తిని కూడా వ్రతం కొనసాగించవచ్చు. ముఖ్యంగా శ్రద్ధ అవసరం.