ప్రభుత్వ పాఠశాలల్లో విద్యార్థుల సంఖ్య 13% తగ్గింది: యనమల నాగార్జున యాదవ్

గత రెండేళ్లలో ఆంధ్రప్రదేశ్‌లో ప్రభుత్వ పాఠశాలల్లో విద్యార్థుల సంఖ్య తగ్గిందని YSR కాంగ్రెస్ పార్టీ నేత యనమల నాగార్జున యాదవ్ అన్నారు. కేంద్రం రూపొందించిన యూడీఐఎస్ఈ ప్లస్ (UDISE+) నివేదిక ప్రకారం 2023-24 విద్యా సంవత్సరంలో 40,50,116 మంది విద్యార్థులు ప్రభుత్వ పాఠశాలల్లో చదివినట్టుగా పేర్కొన్నారు. ప్రస్తుత పాలనలో ఆ సంఖ్య 34,93,450కి పడిపోయిందని, అంటే 5,56,666 మంది (దాదాపు 13%) తగ్గినట్టు తెలిపారు.

ముఖ్యమంత్రి చంద్రబాబు నాయుడు లక్షల మంది విద్యార్థులు ప్రైవేట్ పాఠశాలల నుంచి ప్రభుత్వ పాఠశాలలకు వచ్చారని చేసిన ప్రకటనను యనమల తప్పుపట్టారు. నివేదికలో విద్యార్థుల సంఖ్య పెరగడం కాకుండా తగ్గినట్టు స్పష్టంగా ఉందని అన్నారు. ఈ విషయంపై ప్రభుత్వం స్పందించాల్సి ఉంది.