GO 41 పునరుద్ధరణ ఉన్నా అమరావతి అసైన్డ్ రైతులకు ప్లాట్లు జాప్యం

అమరావతి రాజధాని ప్రాంతంలో ల్యాండ్ పూలింగ్‌లో భాగంగా భూములు అందించిన కేటగిరీ 4, కేటగిరీ 5 రైతులు ప్లాట్ల కేటాయింపు జాప్యంపై తీవ్ర అసంతృప్తితో ఉన్నారు. 2016 నుంచి అగ్రిమెంట్లు చేసుకున్నప్పటికీ ఇప్పటికీ ప్లాట్లు కేటాయించలేదు. పెన్షన్లు, కవుల చెల్లింపులు కూడా నిలిచిపోయాయని బాధిత రైతులు ఆవేదన వ్యక్తం చేస్తున్నారు.

2016లో అప్పటి టీడీపీ ప్రభుత్వం GO 41 జారీ చేసి, అసైన్డ్ భూములు, ప్రభుత్వ భూములు అనుభవిస్తున్న ఈ రైతుల నుంచి ల్యాండ్ పూలింగ్‌కు భూములు తీసుకుంది. అయితే వారికి ప్లాట్లు కేటాయించే ప్రక్రియ ఆగిపోయింది. తర్వాత వైఎస్సార్ కాంగ్రెస్ పార్టీ ప్రభుత్వం GO 41 చట్ట విరుద్ధమని, రైతుల అసైన్డ్ భూములు దోచుకునేందుకు తెచ్చినదని ఆరోపిస్తూ దాన్ని రద్దు చేసింది.

మంగళగిరి మాజీ ఎమ్మెల్యే ఆ రామకృష్ణారెడ్డి కోర్టును ఆశ్రయించారు. న్యాయస్థానం GO 41 రైతుల సమస్యలు తీర్చేందుకే తీసుకొచ్చిందని, దాన్ని సమర్ధిస్తూ తీర్పు చెప్పింది. ఆ తీర్పు నేపథ్యంలో ప్రస్తుత TDP, JSP, BJP కూటమి ప్రభుత్వం GO 41ను పునరుద్ధరించింది. అయినా కేటగిరీ 4, 5 రైతులకు ప్లాట్లు కేటాయించలేదు.

కేటగిరీ 4, 5 భూముల విషయంలో అక్రమాల ఆరోపణలపై SIT విచారణ కొనసాగుతున్నందున కవులు, పెన్షన్ల చెల్లింపులు నిలిచిపోయాయి. ఈ పరిస్థితి కొనసాగితే ఉద్యమం చేపడతామని రైతులు హెచ్చరిస్తున్నారు.