పట్టణ ఎన్నికల భద్రతకు 36,351 పోలీసులు: ఐజీ రాజకుమారి వెల్లడి

ఆంధ్రప్రదేశ్‌లో పట్టణ స్థానిక సంస్థల ఎన్నికల పోలింగ్‌కు ఏర్పాట్లు పూర్తయ్యాయి. 28 జిల్లాల్లోని 92 పట్టణ స్థానిక సంస్థల్లో పోలింగ్ జరగనుంది. భద్రతకు 36,351 మంది పోలీసు సిబ్బందిని వినియోగించనున్నట్టు రాష్ట్ర ఎన్నికల సంఘం శాంతి భద్రతల విభాగం ఐజీ రాజకుమారి తెలిపారు.

ఎన్నికల కోడ్ అమలు కోసం రాష్ట్రవ్యాప్తంగా 405 ఫ్లయింగ్ స్క్వాడ్స్ పనిచేస్తున్నాయి. 834 స్టాటిక్ సర్వైలెన్స్ టీమ్స్ ఫీల్డ్‌లో తిరుగుతున్నాయి. ఇప్పటివరకు 35,296 ఎంసీసీ (MCC) వైలేషన్ కేసులు నమోదయ్యాయని ఐజీ చెప్పారు. కోడ్ అమలులోకి వచ్చిన తర్వాత 266 కేసులు నమోదు చేశామని ఆమె తెలిపారు. ఈ కేసుల్లో 100 మందికి పైగా నిందితులను అరెస్టు చేసి కస్టడీలోకి తీసుకున్నారు.

ఎన్నికల నేరాల నివారణకు 20,665 బైండ్ ఓవర్ కేసులు పెట్టారు. బైండ్ ఓవర్ తర్వాత కూడా ఉల్లంఘనలకు పాల్పడిన 70 మంది సభ్యుల బాండ్లను ఫోర్‌ఫీచర్ చేశారు. రాష్ట్రవ్యాప్తంగా 10,000 పైగా ఆయుధాలు ఉన్నట్టు అంచనా ఉంది. వాటిలో 9,327 ఆయుధాలు ఇప్పటివరకు డిపాజిట్ అయ్యాయి. బ్యాంకు భద్రతకు సంబంధించిన ఆయుధాలను హామీ తీసుకుని మినహాయించారు.

నామినేషన్ల సమయంలో రాయలసీమ జిల్లాల్లో హింసాత్మక ఘటనలు నమోదయ్యాయి. ఆ ప్రాంతాల్లో అదనపు బలగాలు మోహరించారు. 130 ఏపీ స్పెషల్ పోలీస్ ఫోర్సెస్‌ను రాయలసీమలో డిప్లాయ్ చేశారు. స్ట్రైకింగ్ ఫోర్సెస్, రౌట్ మొబైల్స్, రిజర్వ్ పార్టీలను వ్యూహాత్మకంగా మోహరించినట్టు ఐజీ తెలిపారు.

671 పోలింగ్ స్టేషన్ లొకేషన్లను హైపర్ సెన్సిటివ్‌గా గుర్తించారు. మరో 1,233 లొకేషన్లను సెన్సిటివ్‌గా గుర్తించారు. హైపర్ సెన్సిటివ్ స్టేషన్లలో తప్పనిసరిగా వన్ ప్లస్ ఫైవ్ బలగాలు ఉంటాయి. సెన్సిటివ్ స్టేషన్లలో వన్ ప్లస్ త్రీ బలగాలు ఉంటాయి. వెబ్ కాస్టింగ్, పోలింగ్ స్టేషన్‌కు రెండు కెమెరాలు, సీసీ కెమెరాలు, పోలీసుల బాడీ కెమెరాలతో నిఘా ఉంటుంది.

ప్రచారం నిన్న సాయంత్రం 5 గంటలకు ముగిసింది. సైలెంట్ పీరియడ్ అమలులో ఉంది. ఓటర్లు భయపడకుండా స్వేచ్ఛగా ఓటు వేయడానికి అన్ని ఏర్పాట్లు చేశామని ఐజీ రాజకుమారి తెలిపారు.