విదేశీ పెట్టుబడిదారులకు పన్ను మినహాయింపు? మార్కెట్ మందగమనం నడుమ ప్రభుత్వం Ordinance పరిశీలిస్తోంది

భారత ప్రభుత్వం విదేశీ పెట్టుబడిదారులపై పన్ను భారాన్ని తగ్గించేందుకు సిద్ధమవుతోందని తెలుస్తోంది. ప్రత్యేకించి ప్రభుత్వ బాండ్లలో పెట్టుబడులు పెట్టే విదేశీ సంస్థాగత పెట్టుబడిదారులకు (FII) పన్ను మినహాయింపు కల్పించే ప్రతిపాదన పరిశీలనలో ఉంది. ఈ మార్పులను అమలు చేసేందుకు ప్రభుత్వం Income Tax Act కు సవరణ చేస్తూ Ordinance జారీ చేయాలని యోచిస్తోందని అగ్రస్థాయి వర్గాల ద్వారా తెలుస్తోంది.

ప్రస్తుతం జాబితా చేయబడిన ప్రభుత్వ సెక్యూరిటీలలో 12 నెలలకు మించి పెట్టుబడులు పెట్టిన FII లకు 12.5% LTCG పన్ను వర్తిస్తుంది. అదనంగా ప్రభుత్వ బాండ్లపై వడ్డీ ఆదాయంపై 20% withholding tax విధించబడుతోంది. ఈ పన్ను భారాన్ని తగ్గించడం ద్వారా భారతీయ ప్రభుత్వ బాండ్లను మరింత పోటీతత్వంగా చేయాలని విధాన నిర్ణేతలు భావిస్తున్నారు.

Cabinet సమావేశంలో ఈ అంశంపై చర్చ జరిగినప్పటికీ ఎలాంటి అధికారిక ప్రకటన రాలేదు. అవసరమైన అనుమతులు పొందిన తర్వాత అధికారిక నోటిఫికేషన్ జారీ అవుతుందని భావిస్తున్నారు. Parliament సమావేశంలో లేనప్పుడు ప్రభుత్వం Ordinance ద్వారా తాత్కాలిక చట్టాన్ని అమలులోకి తీసుకొస్తుంది. తర్వాత దాన్ని ఆరు వారాల లోపు Parliament ఆమోదించాలి.

Monsoon Session జూలై మధ్యలో ప్రారంభం కానుందని అంచనా. Ordinance జారీ అయిన తర్వాత ఆ సమావేశంలో Bill ను ప్రవేశపెట్టి Lok Sabha మరియు Rajya Sabha అనుమతి తీసుకోవాల్సి ఉంటుంది.

FII లు ప్రస్తుతం 92% వరకు net short స్థితిలో ఉన్నారని నిపుణులు పేర్కొంటున్నారు. ఈ పన్ను మినహాయింపు మార్కెట్ కు ఒక ముఖ్యమైన ప్రేరణగా మారవచ్చని విశ్లేషకులు అభిప్రాయపడుతున్నారు. దీనివల్ల PSU కంపెనీలలో వాటాల విక్రయం అంటే Disinvestment కూడా మెరుగ్గా అమలు చేయవచ్చని పరిశీలకులు చెప్తున్నారు.