బాసర జ్ఞాన సరస్వతి ఆలయంలో వెండి కిరీటం, హుండీ అపహరణ

బాసర జ్ఞాన సరస్వతి ఆలయంలోని మహాకాళి అమ్మవారి గర్భగుడిలో చోరీ జరిగింది.

దొంగలు తాళాలు పగలగొట్టి అమ్మవారి వెండి కిరీటంతో పాటు హుండీని అపహరించారు.

తెల్లవారుజామున అభిషేకం కోసం లోపలికి వెళ్లిన పూజారులు ఈ విషయాన్ని గుర్తించి పోలీసులకు సమాచారం ఇచ్చారు.

రాత్రి డ్యూటీలో మొత్తం ఆరుగురు హోమ్ గార్డులు ఉన్నప్పటికీ ఈ చోరీ జరగడం ఆశ్చర్యం కలిగించింది.

పోలీసులు ఘటనా స్థలానికి చేరుకుని ఆలయంలోని సీసీ కెమెరాల ఫుటేజీని పరిశీలిస్తున్నారు. చోరీలో మొత్తం ఎంత నష్టం జరిగిందనేది ఇంకా స్పష్టంగా తెలియరాలేదని ఆలయ అధికారులు తెలిపారు.