భద్రాచలం స్నాన ఘట్టాలు బురదమయం, శుభ్రం చేస్తున్న అధికారులు

భద్రాచలం వద్ద గోదావరి నది వరద కారణంగా స్నాన ఘట్టాలు బురదమయం అయ్యాయి. 10 రోజుల క్రితం నీటి మట్టం 56 అడుగులకు పెరగగా, ప్రస్తుతం 20 అడుగుల మేర ప్రవహిస్తోంది.

వరద తగ్గడంతో స్నాన ఘట్టాల వద్ద ఒండ్రుమట్టి ఒక అడుగు లోతు వరకు పేరుకుపోయింది. భక్తులు స్నానాలు ఆచరించేందుకు వీలుగా కొంత ప్రదేశాన్ని శుభ్రం చేశారు. మిగిలిన ప్రాంతంలో పెద్ద మోటార్ సాయంతో బురదను శుభ్రం చేస్తున్నారు.

ప్రస్తుతం తక్కువ సంఖ్యలో భక్తులు రావడంతో ఇబ్బంది లేదు. భక్తుల సంఖ్య పెరిగితే మాత్రం ఇబ్బందులు తప్పవు.