లాల్దర్వాజా సింహవాహిని అమ్మవారికి ఘనంగా బోనాలు; మంత్రులు, భక్తులు పాల్గొన్నారు

ఆషాడ మాసం చివరి ఆదివారం హైదరాబాద్ ఓల్డ్ సిటీలోని లాల్దర్వాజా సింహవాహిని మహంకాళి అమ్మవారి ఆలయంలో బోనాలు ఘనంగా జరిగాయి. భక్తులు ఉదయం నుంచే పెద్ద సంఖ్యలో తరలివచ్చి అమ్మవారికి బోనాలు, పసుపు, కుంకుమ, చీర, సారెలు సమర్పించారు.

దేవాదాయ శాఖ మంత్రి కొండ సురేఖ, నగర ఇన్ఛార్జ్ మంత్రి పొన్నం ప్రభాకర్ అమ్మవారికి పట్టు వస్త్రాలు సమర్పించి ప్రత్యేక పూజలు నిర్వహించారు. పలువురు సినీ, రాజకీయ ప్రముఖులు కూడా దర్శనం చేసుకున్నారు.

పోలీసులు, సంబంధిత శాఖల సమన్వయంతో ప్రభుత్వం భక్తులకు ఎలాంటి ఇబ్బంది లేకుండా ఏర్పాట్లు చేసింది. తొట్ల ఊరేగింపు, పోతరాజుల నృత్యాలతో ఆలయ ప్రాంగణం సందడిగా మారింది. మహిళలు పెద్ద సంఖ్యలో బోనాలు ఎత్తుకొచ్చి మొక్కలు చెల్లించుకున్నారు.

నగరంలోని ఇతర 29 ప్రధాన ఆలయాల్లోనూ ఇదే తరహా వైభవంగా బోనాలు జరిగాయి. తెలంగాణ వివిధ జిల్లాలతో పాటు ఇతర రాష్ట్రాల నుంచీ భక్తులు వచ్చారు.