‘ఇడుపు కాయితం’ టైటిల్ మార్చే ప్రశ్నే లేదు: నిర్మాత బన్నీ వాసు

‘ఇడుపు కాయితం’ సినిమా టైటిల్‌పై వస్తున్న ట్రోల్స్‌కు నిర్మాత బన్నీ వాసు స్పందించారు. టైటిల్ మార్చబోమని స్పష్టం చేశారు.

ఈ సినిమాలో ప్రియదర్శి, నాగదుర్గ ప్రధాన పాత్రలు పోషిస్తున్నారు. తెలంగాణ నేపథ్యంలో తెరకెక్కుతున్న ఈ చిత్రం టైటిల్‌పై సోషల్ మీడియాలో కొన్ని నెగిటివ్ కామెంట్లు వచ్చాయి. వీటిపై బన్నీ వాసు మాట్లాడుతూ, టైటిల్ కథకు పూర్తిగా సమర్థనీయమని, కొందరు ఆకతాయిలు ట్రోల్ చేయడం సరికాదన్నారు.

ఈ చిత్ర దర్శకుడు జమ్మికుంటకు చెందినవాడని, ఆయన స్క్రిప్ట్ రాస్తున్న సమయంలోనే ఈ టైటిల్ను నిర్ణయించారని బన్నీ వాసు తెలిపారు. టైటిల్ మార్పు ఎట్టి పరిస్థితుల్లోనూ ఉండదని స్పష్టం చేశారు. సినిమా అన్ని ప్రాంతాల ప్రేక్షకులకు నచ్చుతుందని విశ్వాసం వ్యక్తం చేశారు. సున్నితమైన విషయాలపై జాగ్రత్తగా స్పందించాలని, ప్రాంత భేదాలు రాకూడదని కూడా సూచించారు.