ఢిల్లీలో వాయు నాణ్యత ప్రమాదకర స్థాయికి; సగటు AQI 451 దాటింది

దీపావళి పండుగకు ముందే దేశ రాజధాని ఢిల్లీలో వాయు కాలుష్యం ప్రమాదకర స్థాయికి చేరుకుంది. ఉదయం 8 గంటలకు ఢిల్లీ సగటు వాయు నాణ్యత సూచి (AQI) 451కి పైగా నమోదైంది.

రోహిణిలో AQI 429, పంజాబీ బాగ్లో 424, బవానాలో 408 నమోదయ్యాయి. ఈ ప్రాంతాల్లో కాలుష్యం తీవ్రమైన కేటగిరీకి చేరినట్లు కేంద్ర కాలుష్య నియంత్రణ మండలి తెలిపింది.

మిగిలిన ప్రాంతాల్లోనూ AQI 360 దాటింది. గాలి నాణ్యత వెరీ పూర్ కేటగిరీలో కొనసాగుతోంది.

ఈ నేపథ్యంలో వాయు నాణ్యత నిర్వహణ కమిషన్ (CAQM) ఢిల్లీ-ఎన్సీఆర్ వ్యాప్తంగా GRAP ఆంక్షలను అమల్లోకి తెచ్చింది. ఢిల్లీ, హర్యానా, ఉత్తరప్రదేశ్, రాజస్థాన్లోని మున్సిపల్ కార్పొరేషన్లు, ట్రాఫిక్ పోలీసులకు కఠిన చర్యలు తీసుకోవాలని ఆదేశాలు జారీ అయ్యాయి.

ఢిల్లీ రహదారులపై మెకానికల్ స్వీపింగ్ చేపట్టారు. నీటిని చల్లుతున్నారు. ఎన్సీఆర్ పరిధిలో కాలుష్య హాట్ స్పాట్లు, భవన నిర్మాణ కూల్చివేత ప్రాంతాల్లో తనిఖీలను కఠినతరం చేశారు.