గడ్చిరోలి జిల్లాలో మావోయిస్టు బ్యానర్లు, కరపత్రాలు; పోలీసులు అప్రమత్తం

మహారాష్ట్రలోని గడ్చిరోలి జిల్లా ఎట్టపల్లి తహసీల్ పరిధిలోని కుండం గ్రామ సమీపంలో మావోయిస్టుగా అనుమానిస్తున్న బ్యానర్లు, కరపత్రాలు లభించాయి. రహదారి పక్కన, చెట్లకు అతికించిన ఈ పోస్టర్లను పోలీసులు స్వాధీనం చేసుకున్నారు.

ఈ ఘటనతో పోలీసులు, సిఆర్పీఎఫ్ బలగాలు అప్రమత్తమయ్యాయి. అటవీ ప్రాంతాల్లో గాలింపు చర్యలు ముమ్మరం చేశారు. తెలంగాణ-మహారాష్ట్ర సరిహద్దు ప్రాంతాల్లో భద్రత కట్టుదిట్టం చేశారు.

బ్యానర్లలో మార్చి 31 తేదీ ప్రస్తావన ఉన్నట్లు సమాచారం. గ్రామస్తులు భయాందోళన వ్యక్తం చేస్తున్నారు. పోలీసులు అన్ని కోణాల్లో దర్యాప్తు కొనసాగిస్తున్నారు.