హనుమకొండలో డాక్టర్ ఇంటినే ప్రకృతి వనంగా మార్చి ఆదర్శంగా నిలిచారు

హనుమకొండకు చెందిన హోమియోపతీ వైద్యుడు డాక్టర్ శ్రీనివాస్ రెడ్డి తన ఇంటిని ప్రకృతి వనంగా మార్చారు. నాలుగంతస్తుల భవనంపై పలు రకాల మొక్కలు, గడ్డి, చెట్ల నీడతో చల్లని ప్రదేశాన్ని ఏర్పాటు చేశారు.

తన తండ్రి గోపాల్ రెడ్డి కాంక్రీట్ జంగల్లో నివసించడానికి ఇష్టపడకపోవడంతో, ప్రకృతికి దగ్గరగా ఒక వాతావరణం సృష్టించాలనే ఆలోచన వచ్చిందని శ్రీనివాస్ రెడ్డి చెప్పారు. అందుకే ఇంటి పైన నాలుగో అంతస్తులో వ్యవసాయం, తోట పెంపకం ప్రారంభించారు.

ప్రస్తుతం ఈ ప్రాంతంలో పక్షుల కిలకిల రావాలు, చల్లని గాలి ఉంటాయి. తన కుమార్తె వివాహం సైతం ఇక్కడే జరిగిందని తెలిపారు. పచ్చదనం పెంచడం ప్రతి ఒక్కరి బాధ్యత అని శ్రీనివాస్ రెడ్డి కుటుంబం చెబుతోంది.

ప్రకృతిని కాపాడితే అది మనల్ని కాపాడుతుందని వారు అభిప్రాయపడుతున్నారు. చిన్నప్పటి నుంచే పిల్లలకు ప్రకృతి పట్ల అవగాహన కల్పించాలని సూచిస్తున్నారు.