అత్తాపూర్‌లో డ్రగ్స్ ముఠా అరెస్ట్: 6.65 గ్రాముల MDMA, ఐదుగురు నిందితులు స్వాధీనం

హైదరాబాద్‌లోని అత్తాపూర్ పోలీస్ స్టేషన్ పరిధిలో మాదకద్రవ్యాల అక్రమ రవాణా, విక్రయాలపై పోలీసులు దాడులు నిర్వహించి ఐదుగురిని అరెస్ట్ చేశారు. ఎస్ఓటీ రాజేంద్రనగర్ బృందం, అత్తాపూర్ పోలీసులు సంయుక్తంగా ఈ ఆపరేషన్ చేపట్టారు.

నిందితుల నుండి 6.65 గ్రాముల MDMA, ఐదు ఇంజెక్షన్లు, ఐదు ఆల్ఫాజోలమ్ టాబ్లెట్లు, సిరంజీలు, ఒక కత్తి, ఐదు మొబైల్ ఫోన్లు, నగదు ₹16,930 స్వాధీనం చేసుకున్నట్లు పోలీసులు తెలిపారు. మరో ఐదుగురు నిందితులు పరారీలో ఉన్నారు.

ప్రధాన నిందితుడు దారుల్ షిఫా ప్రాంతానికి చెందిన బాకర్ అనే వ్యక్తి గ్రాముకు ₹2,200 చొప్పున MDMA కొనుగోలు చేసి, అత్తాపూర్‌కు చెందిన ఆటో డ్రైవర్ సయ్యద్ అబ్దుల్ హసన్‌కు సరఫరా చేస్తున్నట్టు దర్యాప్తులో తేలింది.

ఈ కేసులో పరారీలో ఉన్న నిందితుల కోసం గాలింపు కొనసాగుతోందని పోలీసులు తెలిపారు.