KBR Park చుట్టూ ఈ నెల 18 నుంచి వన్ వే ట్రాఫిక్ అమలు

హైదరాబాద్ లోని KBR Park చుట్టూ ఈ నెల 18వ తేదీ నుంచి వన్ వే ట్రాఫిక్ అమలు చేయనున్నట్లు పోలీసులు తెలిపారు. చెక్‌పోస్ట్ నుంచి పంజాగుట్ట వచ్చే మార్గంలో రెండు వైపుల వాహనాలను అనుమతిస్తారు. KBR Park చుట్టూ ఉన్న రెండు లేన్ల రోడ్లపై ఒకే దిశలో మాత్రమే ట్రాఫిక్ నడిచేలా నియంత్రణ ఉంటుంది.

గత జూన్ నెలలో ఈ వన్ వే విధానాన్ని ట్రయల్ నిర్వహించారు. ఆ తర్వాత ఆదివారాల్లోనూ ప్రయోగాలు చేశారు. ప్రస్తుతం KBR Park చుట్టూ అండర్‌పాస్, ఫ్లై ఓవర్ నిర్మాణ పనులు జరుగుతున్నాయి. ట్రాఫిక్ రద్దీని తగ్గించి నిర్మాణ పనులు సాఫీగా సాగేందుకు వన్ వే విధానాన్ని తీసుకువచ్చినట్లు అధికారులు తెలిపారు.

జూబ్లీ చెక్‌పోస్ట్, రోడ్ నెంబర్ 36, రోడ్ నెంబర్ 45, కేబుల్ బ్రిడ్జి, ఫిలిం నగర్ అగ్రసేన్ జంక్షన్ వంటి ప్రాంతాల్లో పీక్ అవర్లలో ట్రాఫిక్ రద్దీ ఎక్కువగా ఉంటుంది. వన్ వే అమలుతో ఈ రద్దీ తగ్గే అవకాశం ఉంది. వాహనదారులు ట్రాఫిక్ నిబంధనలు పాటించాలని పోలీసులు సూచించారు.