IBM కన్సల్టింగ్‌లో ఎక్కువ ఉద్యోగాలకు H-1B, గ్రీన్ కార్డ్ స్పాన్సర్‌షిప్ నిలిపివేత

IBM తమ కన్సల్టింగ్ విభాగంలోని ఎక్కువ ఉద్యోగాలకు H-1B వీసా, గ్రీన్ కార్డ్ స్పాన్సర్‌షిప్‌ను నిలిపివేస్తున్నట్లు ప్రకటించింది. లక్షన్నర మందికి పైగా ఉద్యోగులు పనిచేస్తున్న IBM Consulting, సంస్థలోని అతిపెద్ద విభాగం.

నైపుణ్యాల లభ్యత, క్లైంట్ల అవసరాలు మారిన కారణంగా ఈ నిర్ణయం తీసుకున్నట్లు IBM తెలిపింది. ఈ నిర్ణయం వల్ల ప్రభావితమయ్యే విదేశీ ఉద్యోగులు అమెరికా వెలుపల ఉన్న IBM కార్యాలయాలకు బదిలీ కావాలి. లేదంటే ఈ ఏడాది చివరినాటికి సంస్థను వీడాల్సి ఉంటుందని సంస్థ స్పష్టం చేసింది.

అమెరికాలో విదేశీ టెక్ నియామకాలపై అక్కడి ప్రభుత్వం నియంత్రణ పెంచుతోంది. గ్రీన్ కార్డుల జారీలో కీలకమైన PERM (Permanent Labor Certification) ప్రక్రియను దుర్వినియోగం చేస్తున్నారన్న ఆరోపణలతో గత నెలలో Microsoft, Adobe, TCS, Cognizant, Infosys వంటి సంస్థలపై సస్పెన్షన్ విధించినట్లు సమాచారం. ఈ నేపథ్యంలో IBM నిర్ణయం ప్రాధాన్యం సంతరించుకుంది.

అమెరికా ఇమిగ్రేషన్ గణాంకాల ప్రకారం 2009 నుంచి IBM దాదాపు 27,863 సార్లు H-1B వీసాలను స్పాన్సర్ చేసింది.