కన్సల్టింగ్ విభాగంలో H-1B స్పాన్సర్షిప్ నిలిపివేస్తున్నట్లు IBM ప్రకటన

అమెరికాలో తమ కన్సల్టింగ్ విభాగంలోని మెజారిటీ ఉద్యోగులకు H-1B వీసా స్పాన్సర్షిప్ నిలిపివేస్తున్నట్లు IBM ప్రకటించింది.

గ్రీన్ కార్డ్ స్పాన్సర్షిప్ విషయంలోనూ ఆంక్షలు విధిస్తున్నట్లు సమాచారం. IBM కన్సల్టింగ్ విభాగంలో ప్రపంచవ్యాప్తంగా 50 వేలకు పైగా ఉద్యోగులు పనిచేస్తున్నారు.

వీసా స్పాన్సర్షిప్ అందుబాటులో లేని ఉద్యోగులు అమెరికా వెలుపల పని చేయాల్సి ఉంటుందని తెలుస్తోంది. లేదంటే ఈ ఏడాది చివరినాటికి ఉద్యోగాన్ని వదులుకోవాల్సి రావచ్చు.

అమెరికా అధ్యక్షుడు డొనాల్డ్ ట్రంప్ ప్రభుత్వం వలస, వర్క్ వీసా నిబంధనలను కఠినతరం చేస్తున్న తరుణంలో ఈ నిర్ణయం వచ్చింది.

అమెరికాలో H-1B వీసాపై పనిచేస్తున్న భారతీయ ఉద్యోగులపై ఈ నిర్ణయం ప్రభావం పడే అవకాశం ఉంది. అమెరికాలో స్థిరపడాలని భావిస్తున్న భారతీయ IT నిపుణులకు ఇది కొత్త సవాలుగా కనిపిస్తోంది.