ఎడిసన్‌లో శ్రీ శివ విష్ణు టెంపుల్‌లో 80వ స్వాతంత్ర దినోత్సవ వేడుకలు

ఆగస్టు 15న న్యూజెర్సీలోని ఎడిసన్‌లో భారత 80వ స్వాతంత్ర దినోత్సవ వేడుకలు జరిగాయి. సాయిదత్త మందిర్, సాయిదత్త పీఠం, కల్చరల్ సెంటర్, శ్రీ శివ విష్ణు టెంపుల్ సంయుక్తంగా ఈ కార్యక్రమం నిర్వహించాయి.

భారత జాతీయ పతాకాన్ని ఇండియన్ అమెరికన్ నాయకుడు ఉపేంద్ర చివుకుల ఆవిష్కరించారు. ఎడిసన్ టౌన్షిప్ నాయకులు ఈ కార్యక్రమంలో పాల్గొన్నారు. VHP, HSS, OFBJP North America, MATA, Telugu Fine Arts Society, Vasavi NRI వంటి సంస్థల ప్రతినిధులు కూడా హాజరయ్యారు.

వక్తలు భారత్-అమెరికా స్నేహ సంబంధాల గురించి, ప్రజాస్వామ్య విలువల గురించి మాట్లాడారు. భారత 80వ స్వాతంత్ర దినోత్సవం, అమెరికా 250వ వార్షికోత్సవం ఒకేసారి వస్తున్న సందర్భాన్ని ప్రత్యేకంగా ప్రస్తావించారు.

STP గురుకులం చిన్నారులు ఆలపించిన వందేమాతరం ప్రత్యేక ఆకర్షణగా నిలిచింది. అనంతరం వేంకటేశ్వర స్వామి అభిషేకం నిర్వహించారు. చైర్మన్ రఘు శర్మ శంకరమంచి పాల్గొన్న వారందరినీ అభినందించారు.