జేకే లక్ష్మీపతి యూనివర్సిటీ బీటెక్ విద్యార్థులకు ఐఐటీ సహకారంతో ప్రత్యేక అవకాశాలు

జైపూర్‌లోని జేకే లక్ష్మీపతి యూనివర్సిటీ (జేకేఎల్‌యూ) బీటెక్ కంప్యూటర్ సైన్స్ విద్యార్థులకు ఐఐటీ అకాడమిక్ సహకారంతో ప్రత్యేకమైన అవకాశాలను అందిస్తోంది. ఈ కార్యక్రమం కింద విద్యార్థులు ఐఐటీ లేదా ఇతర ప్రముఖ సంస్థలతో కలిసి చదువుకునేందుకు అనుమతిస్తారు.

యూనివర్సిటీ వెల్లడించిన వివరాల ప్రకారం, బీటెక్ 8 సెమిస్టర్ల ప్రోగ్రామ్‌లో 4 సెమిస్టర్ల వరకు ఐఐటీ క్యాంపస్‌లోనే గడపవచ్చు. ఒక ఐఐటికి వెళ్లినా, లేదా వివిధ ఐఐటీలను ఎంపిక చేసుకోవచ్చు. ఇందుకు ఎలాంటి ప్రత్యేక పరీక్షలు, ఇంటర్వ్యూలు ఉండవని యూనివర్సిటీ పేర్కొంటోంది.

విదేశీ విశ్వవిద్యాలయాలతో కూడా ఒప్పందాలు ఉన్నాయి. అమెరికా, బ్రిటన్, నార్వే, నెదర్లాండ్స్, ఇతర యూరోపియన్ దేశాల యూనివర్సిటీలతో సహకారం ద్వారా 2+2, 3+1 తరహా ప్రోగ్రామ్‌లు చేసే అవకాశం ఉంది.

యూనివర్సిటీ నగరంలో (జైపూర్) ఉండటం వల్ల సాఫ్ట్‌వేర్ ఇండస్ట్రీస్‌కు దగ్గరగా ఉండి ఇంటర్న్‌షిప్, ట్రైనింగ్ సౌకర్యాలు లభిస్తాయి. ఇన్ఫోసిస్, విప్రో, టీసీఎస్ వంటి సంస్థలతో సంబంధాలు ఉన్నట్లు యూనివర్సిటీ తెలిపింది. ప్రొఫెసర్లు ఐఐటీ, ఎన్ఐటీ వంటి ఉన్నత సంస్థల నుండి పీహెచ్‌డీ పూర్తి చేసినవారు అని, కరిక్యులం ఐఐటీ క్రెడిట్ సిస్టమ్‌కు అనుగుణంగా ఉంటుందని యూనివర్సిటీ వివరించింది.