హైదరాబాద్‌లో వరద నివారణకు 2018లో జేఎన్‌టీయూహెచ్‌ ప్రణాళిక – నిపుణుల సూచనలు

హైదరాబాద్‌లో వరద ముప్పును తగ్గించేందుకు 2018లో జేఎన్‌టీయూహెచ్‌ సెంటర్ ఆఫ్ ఎక్సలెన్స్ ఇన్ డిజాస్టర్ మేనేజ్‌మెంట్ ఒక సమగ్ర ప్రణాళిక రూపొందించింది. ఇది జీహెచ్‌ఎంసీ సహకారంతో జరిగింది.

750 చదరపు కిలోమీటర్ల పరిధిలో 229 నీరు నిలిచే ప్రాంతాలను గుర్తించారు. వర్షపు నీటిని త్వరగా మళ్లించేందుకు 636 నీటి నిలవ ట్యాంకులు, 212 రైన్ హార్వెస్టింగ్ పిట్‌లు, 1,065 స్టవ్ వాటర్ నెట్‌వర్క్‌తో పాటు 450 కిలోమీటర్ల స్మార్ట్ వాటర్ డ్రైన్లు నిర్మించాలని సూచించారు.

వర్షపు నీరు ముందుగా హార్వెస్టింగ్ పిట్‌లలోకి వెళ్లి, నిలవ ట్యాంకులలో స్టోర్ అయ్యి, సౌరశక్తి పంపుల ద్వారా డ్రైనేజీలోకి పంపే మోడల్‌ను ప్రతిపాదించారు. అప్పటి ప్రభుత్వ క్యాబినెట్ ఈ ప్రాజెక్టును ఆమోదించినా, నిధుల కొరతతో అమలుకాలేదని నిపుణులు తెలిపారు.

నగరంలో చెరువులు, కుంటలు కబ్జాలు కావడం, సహజ నీటి ప్రవాహ మార్గాలు కనుమరుగవడం వల్ల వరదలు పెరుగుతున్నాయని నివేదిక గుర్తించింది. ఇప్పుడు ప్రస్తుత పరిస్థితులకు అనుగుణంగా ఈ రిపోర్టును మార్పులు చేసి అమలు చేస్తే దీర్ఘకాలిక పరిష్కారం లభిస్తుందని ప్రొఫెసర్ లక్ష్మణ్ సహా నిపుణులు సూచిస్తున్నారు.

ప్రస్తుతం జరుగుతున్న ఎస్ఎన్డిపి డ్రైనేజీ వ్యవస్థ మెరుగులు మాత్రమే లక్ష్యంగా పెట్టుకుందని, సమగ్ర ప్రణాళిక లేకపోతే భవిష్యత్తులో మళ్లీ వరద ముప్పు తీవ్రం కావచ్చని వారు హెచ్చరించారు.