కావేరి యూనివర్సిటీలో రెండేళ్లలో సేకరించిన కీటకాలు, తేనెటీగల పెంపకం శిక్షణ

కావేరి యూనివర్సిటీలో విద్యార్థులకు కీటకాల సేకరణ, సంరక్షణపై ప్రాక్టికల్ శిక్షణ ఇస్తున్నారు. క్యాంపస్‌లో కేవలం రెండేళ్ల వ్యవధిలోనే పలు రకాల కీటకాలను సేకరించినట్లు యూనివర్సిటీ ప్రతినిధి తెలిపారు.

విద్యార్థులు కీటకాలను ఎలా సేకరించాలి, చంపాలి, భాగాలను విస్తరించాలి, ఇన్సెక్ట్ ప్రిజర్వేషన్ బాక్సుల్లో ఎలా భద్రపరచాలో నేర్చుకుంటారు. తేనెటీగల పెంపకంలో ఎంటర్ప్రెన్యూర్షిప్ అవకాశాలు కూడా ఉన్నాయని, స్కిల్ ఎన్హాన్స్మెంట్ కోర్సు ద్వారా విద్యార్థులు లాభపడొచ్చని యూనివర్సిటీ అధికారులు తెలిపారు.

బీకీపింగ్ కోర్సు కోసం అవసరమైన పరికరాలను ప్రదర్శించారు. బీ బ్రష్, అన్‌క్యాపింగ్ నైఫ్, స్మోకర్ వంటివి ఉన్నాయి. స్మోకర్ ద్వారా పొగ ఉత్పత్తి చేసి, తేనెటీగలను శాంతపరుస్తారు. పొగ వల్ల తేనెటీగలు స్పృహ కోల్పోతాయి, కానీ చనిపోవు. ఆ తర్వాత తేనె సంగ్రహణ చేపడతారు.

అదే విధంగా బీ వీల్, బీ గ్లౌస్ వంటి రక్షణ పరికరాలు, పుప్పొడి సేకరించే పోలెన్ ట్రాప్, కృత్రిమ ఆహారాన్ని అందించే ఫీడర్ వంటివి ఉపయోగిస్తారు. బయటి వాతావరణంలో తగినంత ఆహారం లేనప్పుడు, చక్కెర ద్రావణాన్ని ఫీడర్ ద్వారా అందిస్తారు. ఇలా తేనెటీగల పెంపకం విద్యార్థులకు ఉపాధి అవకాశాలు కల్పిస్తుంది.