కావేరి యూనివర్సిటీలో పురుగుల సేకరణ, సంరక్షణపై ప్రాక్టికల్ శిక్షణ

కావేరి యూనివర్సిటీలో విద్యార్థులకు పురుగుల సేకరణ, సంరక్షణ, శరీర నిర్మాణ విశ్లేషణ వంటి ప్రాక్టికల్ శిక్షణ అందిస్తున్నారు. కోర్సు సమయంలో ఒక్కో విద్యార్థికి ఒక్కో బాక్స్ ఇచ్చి, సెమిస్టర్ చివర్లో సేకరించిన పురుగులను సమర్పించాలని సూచిస్తారు.

పురుగులను డ్రై ప్రిజర్వేషన్ పద్ధతిలో తేమ తొలగించి, ఫార్మలిన్ ద్రావణంలో లిక్విడ్ ప్రిజర్వేషన్ చేస్తారు. గుడ్లు, లార్వా, ప్యూపా దశలను ద్రవంలో భద్రపరుస్తారు. విద్యార్థులు పురుగుల శారీరక లక్షణాలను అధ్యయనం చేసేందుకు డిసెక్షన్ ట్రేలను ఉపయోగిస్తారు.

సేకరణ నాణ్యత, పిన్నింగ్, శరీర భాగాల విస్తరణ, లేబులింగ్ ఆధారంగా మార్కులు కేటాయిస్తారు. దీనివల్ల విద్యార్థులకు ఫీల్డ్ సవాళ్లపై ప్రాక్టికల్ ఎక్స్పోజర్ లభిస్తుందని వర్సిటీ ప్రతినిధి తెలిపారు.