కేంద్ర క్యాబినెట్ సమావేశంలో కీలక నిర్ణయాలు: సెమీకాన్ 2.0 పాలసీకి ఆమోదం

ప్రధాని మోదీ అధ్యక్షతన జరిగిన కేంద్ర క్యాబినెట్ సమావేశంలో పలు కీలక నిర్ణయాలు తీసుకున్నారు. మొత్తం 21,19,353 కోట్ల రూపాయల విలువైన ఏడు భారీ ప్రాజెక్టులకు క్యాబినెట్ ఆమోదం లభించింది.

సెమీకాన్ 2.0 పాలసీకి క్యాబినెట్ ఆమోదం తెలిపింది. ఈ పాలసీ కోసం 27,000 కోట్ల రూపాయల నిధులను కేటాయించారు. భారత్‌లో సెమీకండక్టర్ల పరిశ్రమను బలోపేతం చేయడమే లక్ష్యంగా ఈ పాలసీ రూపొందించారు. ఆత్మనిర్భర్ భారత్ కార్యక్రమంలో భాగంగా భారత్‌లోనే చిప్‌ల తయారీకి అత్యంత ప్రాధాన్యత ఇస్తున్నట్లు కేంద్ర మంత్రి అశ్విని వైష్ణవ్ వెల్లడించారు.

భారత్‌లో మొబైల్ తయారీ రంగాన్ని ప్రోత్సహించేందుకు మొబైల్ PLI పథకానికి క్యాబినెట్ ఆమోదం తెలిపింది. దీని కోసం 62,500 కోట్ల రూపాయల నిధులను ప్రకటించారు.

ప్రధాని మోదీ నియోజకవర్గమైన వారణాసిలో రెండు ఎలివేటెడ్ కారిడార్ ప్రాజెక్టులకు క్యాబినెట్ ఆమోదం తెలిపింది. కాశీలో వరుణా నదిపై ఆరు లైన్ల ఎక్స్‌ప్రెస్ హైవే నిర్మించనున్నారు. 46 కిలోమీటర్ల మేర ఎలివేటెడ్ కారిడార్ నిర్మించనున్నారని, నాలుగేళ్లలో ఈ ప్రాజెక్టు పూర్తవుతుందని అశ్విని వైష్ణవ్ తెలిపారు. వరుణా నది వెంట నాలుగు లైన్ల ఎలివేటెడ్ కారిడార్ నిర్మాణానికి 10,998 కోట్ల రూపాయలు కేటాయించారు.

యూరియా కోసం జాతీయ పెట్టుబడి విధానానికి కూడా క్యాబినెట్ ఆమోదం తెలిపింది. కాశీలో మౌలిక వసతుల కల్పనకు కేంద్రం ప్రాధాన్యత ఇస్తున్నట్లు అశ్విని వైష్ణవ్ వెల్లడించారు.