పీవీ నరసింహారావు 105వ జయంతి: ఘన నివాళి అర్పించిన కిషన్ రెడ్డి, దత్తాత్రేయ

మాజీ ప్రధాని పీవీ నరసింహారావు 105వ జయంతి సందర్భంగా హైదరాబాద్ లోని ఆయన సమాధి వద్ద నివాళులు అర్పించారు. కేంద్ర మంత్రి కిషన్ రెడ్డి, హర్యాణ మాజీ గవర్నర్ బండారు దత్తాత్రేయ కలిసి పూలమాలలు వేశారు.

కిషన్ రెడ్డి మాట్లాడుతూ, దేశ ఆర్థిక వ్యవస్థ గాడి తప్పినప్పుడు దాన్ని సరిచేసిన ఘనత పీవీకే దక్కుతుందన్నారు. మోదీ ప్రధానిగా బాధ్యతలు తీసుకున్న తర్వాత ఆయనను భారతరత్నతో గౌరవించామని గుర్తు చేశారు. ప్రస్తుత రాజకీయ నేతలు పీవీ నుంచి ఎంతో నేర్చుకోవాలని, విలువలు దిగజారిపోతున్నాయని ఆయన ఆవేదన వ్యక్తం చేశారు.

దత్తాత్రేయ మాట్లాడుతూ, పీవీ నరసింహరావు తెలుగు బిడ్డగా ముఖ్యమంత్రిగా, కేంద్ర మంత్రిగా, ప్రధానిగా విశేష సేవలందించిన మహానుభావుడని కొనియాడారు. ఆయన బహుభాషా కోవిదుడని, అజాత శత్రువని అభివర్ణించారు.

కిషన్ రెడ్డి మాట్లాడుతూ, ఢిల్లీలోని ప్రధానమంత్రి మ్యూజియంలో పీవీ సేవలకు సంబంధించిన వివరాలు ఏర్పాటు చేశామని, నిన్న ఢిల్లీలో పీవీ జయంతి సందర్భంగా ఫోటో ఎగ్జిబిషన్ కూడా నిర్వహించామని తెలిపారు. ఈ కార్యక్రమంలో బీజేపీ నేతలు పాల్గొన్నారు.